Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
22.10.2018 10:44
Abşeron rayon Xırdalan şəhər Onbirillik Musiqi Məktəbinin kollektivi Qara Qarayevin ev-muzeyində olubSumqayıt Regional Mədəniyyət İdarəsinin tabeliyində fəaliyyət göstərən Abşeron rayon Xırdalan şəhər Onbirillik Musiqi Məktəbinin kollektivi görkəmli Azərbaycan bəstəkarı Qara Qarayevin ev-muzeyində olub. Məktəb kollektivi əvvəlcə muzeylə yaxından tanış olmuş, bəstəkarın həyat və yaradıcılığı haqqında ətraflı məlumat əldə etmişlər. Tanışlıq zamanı məktəb tərəfindən muzeyə xatirə hədiyyələri təqdim edilib. Daha sonra məktəb şagirdlərinin ifasında konsert proqramı təqdim olunub. Konsertdə klassik musiqi əsərləri ilə yanaşı, muğam və xalq mahnıları respublika və beynəlxalq müsabiqələr laureatları Nuray Mehdiyeva (fortepiano), Atlas Mehdiyeva (xanəndə), Bagir Babayev (tar), habelə Aysu Yəhyayeva (skripka), Rəvanə Baxışova (kamança), Fidan Mehralıyeva (fortepiano), Vüqar Məmmədəliyev (klarnet), Səkinə Qasımova (xanəndə) və Aytən İsayeva (xanəndə) ifalarında səslənib. Sonda çıxış edən Musiqi Mədəniyyəti Dövlət Muzeyinin rəhbəri Alla Bayramova Xırdalan şəhər Onbirillik Musiqi Məktəbinin kollektivinə uğurlar arzulayıb, onları digər musiqiçilərin ev-muzeylərində konsert proqramları ilə çıxış etməyə dəvət edib. ..
22.10.2018 10:18
Xaçmazda gənc şair Vüsal Yurdoğlunun “Mən Möcüzə Gözləyirəm” kitabının təqdimatı keçirildiXaçmaz Tarix Diyarşünaslıq Muzeyinin təşəbbüsü və Xaçmaz Regional Mədəniyyət İdarəsinin təşkilatçılığı ilə oktyabrın 20-də Muzeydə gənc şair Vüsal Yurdoğlunun “Mən Möcüzə Gözləyirəm” kitabının təqdimatı keçirilmişdir. Tədbiri “Ulduzlar” ədəbi məclisinin sədri Fərzalı Ziyanur açıq elan etmiş, qonaqları salamladıqdan sonra Vüsal Yurdoğlu barədə məlumat vermişdir. Bildirib ki, Vüsal Yurdoğlu Azərbaycan Yazıçılar Birliyi 3-cü Gənc Ədiblər Məktəbinin, Azərbaycan Yaradıcılıq fondunun nəzdində Yaradıcılıq fakültəsinin məzunu, Dünya Gənc Türk Yazarlar Birliyinin (DGTYB) üzvüdür. Şerləri “Səs... Söz... Rəng... “ və “Bölgələrdən səslər - 3” toplularında, müxtəlif ədəbi almanaxlarda, həmçinin, bir çox qəzet və jurnallarda çap olunub. İdarənin rəisi Nazim Ağayev “Ulduzlar” ədəbi məclisinin üzvlərini, qonaqları və Vüsal Yurdoğlunun çıxış edərək bildirdi ki, Xaçmaz Regional Mədəniyyət İdarəsi tərəfindən regionda fəaliyyət göstərən yazarlarla görüşlər, onların kitab təqdimatı, yubiley və yaradıcılıq gecələri keçirilir. N.Ağayev gənc yazara gələcək fəaliyyətində uğurlar arzuladı.  Milli Mətbuat Şurasının üzvü Azər Həsrət çıxışında Vüsal Yurdoğlunu təbrik etdi, valideynlərinə belə istedadlı oğul böyütdüklərinə görə təşəkkürünü bildirdi. “Mən Möcüzə Gözləyirəm” kitabının ön söz müəllifi, şair – tənqidçi Akəm Xaqan günümüzün gənc yazarının özünəməxsus düşüncə tərzinə malik olduğunu qeyd etdi və ona yeni uğurlar arzuladı. Daha sonra görüntülü surətdə Vüsal Yurdoğlunun şerləri əsasında hazırlanmış kompozisiyalar dinlənildikdən sonra söz qonaqlara və şairlərə verildi. Qubadakı “Ay İşığı” ədəbi məclisinin üzvü, AYB və AJB üzvü, publisist yazar Sevinc Məmmədova, Xaçmaz rayon Heydər Əliyev Mərkəzinin direktoru Könül Əsgərova, Xaçmaz Tarix Diyarşünaslıq Muzeyinin direktoru Pakizə Mehdiyeva, Xaçmaz Xalça Muzeyinin əməkdaşı Dilarə Rüstəmova, AYB üzvü Məmməd Qədir, Telman Təravət, Hidayət Sönməz (Bakı), Pirəli Rüklü, Xaqani Mikayılov (Bakı), Habil Rzanur, Aynur Ağabalayeva, Agah Xaçmazlı, Sabir Nemətov, Böyükağa Ağa, Nəzər Mirzəyev, AMEA – nın müxbir üzvü Məhərrəm Mustafa, Emfira Tağıyeva, Fərhad Ramazanov, Elmar Bünyadov, atası Teymur Dadaşov, anası Yaqut xanım Dadaşova, Taleh Qədirov, qardaşı Tural Dadaşov və başqaları şer, hekayələrini oxudular və Tural Yurdoğluna yeni nailiyyətlər arzuladılar. ..
18.10.2018 19:33
Balakəndə Müstəqillik Günü münasibətilə konsert keçirildi Şəki şəhər 3 nömrəli Uşaq Musiqi Məktəbinin muğam triosu Balakən şəhərində keçirilən Müstəqillik Gününə həsr olunmuş konsertdə iştirak etmişdir. 18 oktyabr 2018-ci il tarixində Balakən şəhərində keçirilən Azərbaycanın Dövlət Müstəqilliyi Gününə həsr olunmuş konsertdə Şəki şəhər 3 nömrəli Uşaq Musiqi Məktəbinin muğam triosu – məktəbin xanəndəlik ixtisası üzrə II sinif şagirdi, muğam ifaçısı Elton Əhmədli, onu müşayiət edən Pərviz Qəniyev (müəllim), Şahin Abdullayev (tar), Babək Abdullayev (kamança) və Elşən Qaffarov (nağara) musiqi nömrələri ilə çıxış etmişdir. Elton Əhmədlinin ifasında muğam konsert iştirakçılarının rəğbətini qazanmışdır. Konsert tamaşaçılar tərəfindən maraqla qarşılanmışdır. ..
18.10.2018 14:10
Sumqayıt şəhər Gənclər kitabxanasında şair İbrahim İlyaslının “Şair olmaq zülümdür “ kitabının təqdimatı keçirilibSumqayıt şəhər Gənclər kitabxanası və 16 saylı tam Orta Məktəbin birgə təşkilatçılığı ilə şair İbrahim İlyaslının 55 illik yubileyi münasibətilə tədbir və “Şair olmaq zülümdür” kitabının təqdimatı keçirilmişdir. Tədbirdə şair İbrahim İlyaslı,Təhsil şöbəsinin metodisti Məmmədova Səbirə, 2 saylı məktəbin direktoru Xalid Adıgözəlov, 16 saylı məktəbin müəllim-şagird kollektivi iştirak etmişdir. Tədbir zamanı məktəbin müəllimi Sevil Behbudbəyli çıxış edərək şairin həyat yolu, yaradıcılığı haqqında tədbir iştirakçılarına məlumat vermişdir. Sonra şairin şeirlərindən nümunələr söylənilib, musiqi nömrələri dinlənilib. Daha sonra şair İbrahim İlyaslı çıxış edib. O, tədbirin təşkilatçılarına təşəkkür edərək bu kimi tədbirlərin keçirilməsinin oxucular və yaradıcı adamlar üçün böyük əhəmiyyətindən danışıb, şeirlərini oxuyub, şagirdlərin suallarını cavablandırıb. Sonda məktəbin direktoru Niyaz Süleymanov şairin şeirlərindən nümunələr söyləyib, tədbir iştirakçılarına və kitabxana əməkdaşlarına minnətdarlığını bildirib. ..
18.10.2018 11:46
Sumqayıt Regional Mədəniyyət İdarəsinin 9 ayın yekunlarına həsr olunmuş müşavirəsi keçirilibSumqayıt şəhər Heydər Əliyev Mərkəzində Sumqayıt Regional Mədəniyyət İdarəsinin 9 ayın yekunlarına həsr olunmuş müşavirəsi keçirildi. İdarə rəisi Mehman Şükürov müşavirəni açaraq 9 ay ərzində görülən işlər haqqında məlumat verib. Bildirib ki, hesabat dövrü ərzində tabe müəssisələrdə bir sıra tədbirlər keçirilib. Uğurlarla bərabər problemlərin də olduğunu bildirən idarə rəisi qeyd edib ki, idarənin şəbəkəsinə daxil olan mədəniyyət müəssisələri artıq ödənişli xidmətlə fəaliyyət göstərməlidir. Xüsusilə musiqi məktəbləri, muzey və rəsm qalereyalarının ödənişli xidmətə keçirilməsinin vacibliyini vurğulayan idarə rəisi klub müəssisələrində də ödənişli kursların sayının artırılması, insanların maraqlarına cavab verən kursların təşkili, eyni zamanda folklor kollektivlərinin yaradılması, sənətkarlıq növlərinin araşdırılaraq haqqında məlumatların hazırlanması və bununla əlaqədar tədbirlərin keçirilməsi ilə bağlı ciddi tapşırıqlarını verib. “Mədəniyyət müəssisələrinə gənc kadrlar cəlb olunmalıdır. Yeni düşüncəyə, yeni fikrə ehtiyacımız var. Yeni təkliflər verilməli, layihələr həyata keçirilməlidir” deyən idarə rəisi ehtiyat kadrların hazırlanmasının vacibliyini vurğulayıb, işinə ciddi yanaşmayan, məsuliyyətsizlik edən, nizam-intizam qaydalarını pozan işçilər haqqında müvafiq tədbirlərin görüləcəyini bildirib. Mehman Şükürov həmçinin musiqi məktəblərində təhsil alan istedadlı uşaqların aşkara çıxarılması və onların bütün qabiliyyət və imkanlarının üzə çıxarılması ilə bağlı fikirlərini bildirib. Daha sonra idarə rəisinin müavini İlham Əhmədov çıxış edərək musiqi məktəblərində tarifikasıya işlərinin aparılması, müəssisələrdə aparılan daxili nəzarətin nəticələri ilə bağlı məlumat verib. Sonra müşavirə iştirakçıları Heydər Əliyev Mərkəzində Sumqayıt şəhər Diyarşünaslıq klubu tərəfindən Müstəqillik Gününə həsr olunmuş tədbirə qatılıblar. Tədbirdə klubun rəsm kursunun şagirdlərinin ifasında Pazl Art və digər rəsm əsərlərindən ibarət sərgi nümayiş olunub, gənc solistlərin ifasında Azərbaycana həsr olunmuş mahnılar dinlənilib, “Saz” qrupunun çıxışı, “Odlar yurdu” rəqs qrupunun ifasında rəqs nömrələri izlənilib. İstedadlı uşaqlar Sumqayıt Regional Mədəniyyət İdarəsi tərəfindən fəxri fərmanla təltif olunublar. Tədbirin sonunda idarə rəisi Mehman Şükürov çıxış edərək tədbir iştirakçılarını Müstəqillik Günü münasibətilə təbrik edib, təşkilatçılara bayram tədbirinə görə təşəkkürünü bildirib, uğurlar arzulayıb.   ..
18.10.2018 10:49
Qazax rayon MKS tərəfindən Müstəqillik Günü münasibətilə silsilə tədbirlər keçirilib17 oktyabr 2018 – ci il tarixində  Qazax rayon MKS-in  E.Hüseynov adına Mərkəzi Kitabxana sı “Açıq kitabxana” layihəsi çərçivəsində “18 oktyabr - Azərbaycanın Dövlət Müstəqilliyi Günü”nə həsr olunmuş  “Müstəqilliyimiz daimidir, əbədidir, sarsılmazdır” adlı ədəbi kompozisiya keçirib. Tədbirdə Qazax Dövlət Rəsm Qalereyasının işçiləri, şəhər məktəbliləri və mədəniyyət işçilərindən   bir qrup  iştirak etmişdir. Tədbirin əvvəlində şagirdlərin ifasında Azərbaycanın Dövlət Himni səsləndirilib. Kitabxananın Uşaq şöbəsinin əməkdaşı Aytəkin Quluyeva Azərbaycanın Dövlət Müstəqilliyinin yaranması haqqında məlumat verərək bildirib ki,  XX yüzilliyin sonlarında SSRİ-nin süquta uğraması ilə yaranan əlverişli şərait və taleyin bəxş etdiyi imkan nəticəsində Azərbaycan xalqı ikinci dəfə müstəqillik bayrağını qaldırdı. 1991-ci il oktyabrın 18-dən Azərbaycan müstəqil, suveren bir dövlətdir. Tədbir zamanı məktəblilər vətənə aid bir birindən rəngarəng şeirlər söyləyb, mahnılar oxuyublar. Sonda tədbir iştirakçıları “18 oktyabr-Azərbaycanın Dövlət Müstəqilliyi Günü ” adlı sərgi ilə tanış oldular. Qeyd edək ki, Müstəqillik Günü ilə əlaqədar Qazax rayon MKS-in şəhər 1 nömrəli, Xanlıqlar, Daş Salahlı, Ürkməzli, İkinci Şıxlı kənd kitabxana filiallarında tədbirlər keçirilib. ..
17.10.2018 15:47
Füzuli Dövlət Dram Teatrı Qayıdış qəsəbələrində qastrol səfərindədirFüzuli Dövlət Dram Teatrı 1 nömrəli Qayıdış qəsəbəsində Orta Məktəb kollektivi qarşısında çıxış etmişdir. Teatr rayondan 70 km məsafədə müxtəlif istiqamələrdə yerləşən Qayıdış qəsəbələrində qastrol səfərindədir. Teatrın direktoru, Əməkdar mədəniyyət işçisi Vaqif Vəliyevin ssenarisi və quruluşu əsasında hazırlanan “Vəzirsiz saray” adlı tamaşa artıq bu gün  kollektivə təqdim olunmuşdur.  Qeyd edək ki, tamaşanın quruluşçu rəssamı Ellinaz Balaşova, musiqi tərtibatçısı Nizami Süleymanovdur. Tamaşada əsas rollarda İntizar Quliyeva, Nicat Süleymanov, Sevinc Məmmədova, Sehran Xanlarov, Əli Hüseynov, Elşən Gözəlov və başqaları çıxış edir.  Qastrol səfərinin 17-25 oktyabr tarixlərində davam etdirilməsi nəzərdə tutulmuşdur. ..
17.10.2018 15:27
Qazaxda Müstəqillik Gününə həsr edilmiş “Səyyar kitabxana” xidməti təşkil edilmişdirAğstafa Regional Mədəniyyət İdarəsinin təşəbbüsü ilə 16 oktyabr 2018-ci il tarixində S.Vurğun adına İstirahət parkında Qazax rayon MKS tərəfindən “18 Oktyabr - Azərbaycanın Dövlət Müstəqilliyi Günü”nə həsr edilmiş “Səyyar kitabxana” xidməti təşkil edilmişdir. Tədbirdə Respublikanın müstəqillik illərində qazandığı uğurları, “Müstəqil dövlətçiliyimizin parlaq səhifəsi”, “Ucalan bayraqlı Azərbaycanım”, “Ordum varsa, yurdum var”, “Aprel döyüşləri bizim şanlı qələbəmizdir”, “2018-ci il Azərbaycan Xalq Cümhuriyyəti ili” mövzularına həsr edilmiş kitab və jurnallar nümayiş olunmuşdur. Kitabxananın əməkdaşları tədbir iştirakçılarına ölkəmizdə, eyni zamanda rayonumuzda gedən quruculuq işlərindən ətraflı məlumat vermişdir. Sərgi ilə tanış olan bir qrup iştirakçı kitabxanaya üzv yazılmışdır. ..
17.10.2018 15:21
Sumqayıtda Dövlət Müstəqilliyi Günü qeyd olunduSumqayıt Dövlət Dram Teatrında 18 Oktyabr – Azərbaycanın Dövlət Müstəqilliyi Günü qeyd olunub. Tədbirdə çıxış edən teatrın direktoru, Əməkdar artist Mübariz Həmidov müstəqilliyə aparan yolun çətinliyindən danışıb, milli məfkurənin formalaşması üçün keşməkeşli yollar qət edildiyini bildirib. Vurğulanıb ki, Şərqdə ilk demokratik respublika olan Azərbaycan Xalq Cümhuriyyətinin ömrü qısa olsa da, dövlətçilik salnaməsinə qızıl hərflərlə yazıldı. Mübariz Həmidov 1991-ci il oktyabrın 18-də Müstəqillik aktının qəbul olunduğunu, 1992-ci ildə az qala itirilməkdə olan müstəqilliyimizin Heydər Əliyev tərəfindən xilas edildiyini söyləyib. Qeyd edib ki, bu gün qüdrətli Azərbaycan Ordusunun peşəkar zabitlərinin əksəriyyəti vaxtı ilə ümummilli liderin yaratdığı C.Naxçıvanski adına Hərbi Ləktəbin yetirmələridir.  Daha sonra teatrın baş rejissoru, Xalq artisti Firudin Məhərrəmov, quruluşçu rejissor, Əməkdar artist Namis Şirməmmədov, ərazi təşkilat sədri Samirə Məlikova fikirlərini bölüşüb. Görkəmli siyasətçi, dövlət xadimi Heydər Əliyevin qürurla söylədiyi “Azərbaycanın müstəqilliyi əbədidir, dönməzdir, sarsılmazdır!” kəlamı tədbirin leytmotivi kimi səslənib. ..