Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
17.10.2017 17:22
Liberal hava nəqliyyatının əldə edilməsi üzrə İşçi Qrupunun növbəti iclası keçirilmişdirAzərbaycan Respublikasının Prezidenti cənab İlham Əliyevin 2016-cı il 6 dekabr tarixli, 1138 nömrəli Fərmanı ilə təsdiq edilmiş “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”nə uyğun olaraq Azərbaycan Respublikasının Turizm Şurası nəzmində Liberal hava nəqliyyatının əldə edilməsi üzrə İşçi Qrupu yaradılmışdır. İşçi qrupunun yaradılmasında əsas məqsəd hədəf ölkələrlə gediş-dönüş hava nəqliyyatı xidmətləri üzrə müxtəlif liberallaşdırma mexanizmlərinin təhlil olunması, ölkənin aviasiya qanunvericiliyinin zəruri hallarda Avropanın aviasiya qanunvericiliyinə uyğunlaşdırılması, Bakı şəhərinin marketinq və kommunikasiya planı əsasında hədəf ölkələrdən turistlərin həftəsonu Bakıya daha rahat səfərinin təşkili və gözləntilərinin daha yaxşı qarşılanması üçün mövcud uçuş cədvəllərinin optimallaşdırılması, ölkə və regionların liberallaşdırılmış hava xidməti sazişinə daxil edilməsi məsələsinə dair təkliflərin hazırlanması və bu sahə üzrə digər mühüm məsələlərin həllidir. Bununla əlaqədar olaraq, 17 oktyabr 2017-ci il tarixində İşçi Qrupunun növbəti toplantısı keçirilmiş, baş tutmuş tədbirdə Mədəniyyət və Turizm Nazirliyinin, Dövlət Mülki Aviasiya Administrasiyasının, Azərbaycan Respublikasının İqtisadiyyat Nazirliyinin, “Azərbaycan Hava Yolları” QSC-nin və Azərbaycan Konqreslər Bürosunun İşçi Qrupa üzv nümayəndələri iştirak etmişlər. Görüşdə ölkəmizdə mövcud hava limanlarına yerli və xarici aviaşirkətlər tərəfindən edilən uçuşlar, yaxın gələcəkdə fəaliyyətə başlayacaq yeni hava əlaqələri, Avropa İttifaqı  ilə Azərbaycan arasında ortaq hava məkanı sazişinin layihəsinin mövcud vəziyyəti və digər məsələlər müzakirə edilmişdir. ..
17.10.2017 16:56
Nazir müavini Nazim Səmədov ilə ABŞ-ın ölkəmizdəki səfirinin müavini Uilyam Qill arasında görüş keçirildi2017-ci ilin 17 oktyabr tarixində Azərbaycan Respublikası mədəniyyət və turizm nazirinin müavini Nazim Səmədov, Azərbaycan Turizm və Menecment Universitetinin (ATMU) rektoru İlham Mədətov və Amerika Birləşmiş Ştatlarının Azərbaycan Respublikasındakı Fövqəladə və Səlahiyyətli Səfirinin müavini Uilyam Qillin rəhbərlik etdiyi ABŞ nümayəndə heyəti arasında görüş keçirildi. Görüş zamanı Azərbaycan və ABŞ arasında turizm sahəsi üzrə əməkdaşlığa dair görülən işlər və əməkdaşlığın inkişaf perspektivləri müzakirə edildi. Nazir müavini Nazim Səmədov ölkəmizdə turizm sahəsində həyata keçirilən islahatlar barədə danışdı. Nazir müavini Azərbaycan və ABŞ arasında birbaşa təyyarə reyslərinin fəaliyyət göstərməsi ilə qarşılıqlı turist axınının intensivləşdiyi, bu reyslərin nəinki Azərbaycan Respublikası vətəndaşları, həmçinin Azərbaycanla qonşu olan ölkələrin vətəndaşları tərəfindən istifadə olunduğunu qeyd etdi. İki ölkə arasında əlaqələrin genişləndirilməsində danışan görüş iştirakçıları turizm təhsili sahəsində əməkdaşlığın inkişaf etdirilməsinin əhəmiyyətini vurğuladılar. Azərbaycan Turizm və Menecment Universiteti (ATMU), Bakı Turizm Peşə Məktəbi, Mingəçevir Turizm Kolleci haqqında ABŞ nümayəndə heyətinə məlumat verildi və Nazim Səmədov tərəfindən bir sıra ölkələrlə əməkdaşlıq edən ATMU ilə ABŞ-ın təhsil müəssisələri arasında gələcəkdə əlaqələrin qurulması təklif edildi. ..
17.10.2017 15:31
ATMU-nun dekan müavini Türkiyədə keçirilən beynəlxalq konqresin iştirakçısı olubTürkiyənin Muğla Sıtkı Koçman Universitetində “Turizm və mədəni miras” adlı beynəlxalq konqres keçirilib. Qardaş Türkiyənin Muğla Sıtkı Koçman Universitetində öz işini uğurla başa vuran Beynəlxalq Konqresdə dünyanın bir sıra ölkələrinin təmsilçilərindən bir qisminin, o cümlədən AMEA Naxçıvan Bölməsinin sədri, akademik İsmayıl Hacıyevin başçılığı etdiyi nümayəndə heyəti üzvlərindən Azərbaycan Turizm və Menecment Universitetinin (ATMU) “Turizm və qonaqpərvərlik” fakultəsinin dekan müavini, iqtisad üzrə fəlsəfə doktoru, dosent Flora Ələsgərovanın iştirak fəallığı təşkilatçı qurum tərəfindən qənaətbəxş qiymətləndirilib. F.Ələsgərova müxbirimizə müsahibəsində bildirib ki, beynəlxalq tədbirin gündəliyindəki Azərbaycan-Türkiyə: ortaq tarix, iqtisadi, sosial və mədəniyyət sahələri çərçivəsində ikitərəfli əlaqələrin inkişaf dinamikası və perspektivlərinə dair  məruzələr iştirakçılar tərəfindən maraqla qarşılanıb. Qeyri-neft sektorunun inkişafını hədəfləyən güclü turizm potensialından faydalanmanın səmərəli aspektlərinə nəzərən detallı faktlar üzərində də geniş fikir mübadiləsi aparılıb. Azərbaycan nümayəndə heyətinin üzvləri bölmə, eyni zamanda müvafiq tədqiqat sahələrinin müzakirəsinə həsr olunan iclaslara sədrlik ediblər. ATMU “Turizm və qonaqpərvərlik” fakültəsinin dekan müavininin bildirdiyinə görə  konqresdə turizm, mədəni irs, milli mətbəx, qastronomiya və s. bölmələrin fəaliyyəti daha işgüzar olub. Dünyanın bir sıra ölkələrindən olan elm adamlarının və tədqiqatçıların qatıldığı tədbirdə türk xalqlarına aid sənət, ədəbiyyat, memarlıq, dil və adət- ənənələrlə bağlı elmi məruzələr dinlənilib. Beynəlxalq tədbirin təkliflər paketində Azərbaycanda turizm potensialının güclü olmasına rəğmən  qeyd edilən sahələr üzrə ixtisasların daha geniş təbliği və inkişafının təmin olunması əksini tapıb. Gələcəkdə müştərək beynəlxalq konfrans və simpoziumların keçirilməsi, əməkdaşlıq müqaviləsi bağlanan universitetlərlə müəllim mübadiləsinə xüsusi önəm verilməsi və s. ətrafında geniş fikir mübadiləsi aparılıb. Qeyd etmək lazımdır ki, Azərbaycan Turizm və Menecment Universiteti ilə Türkiyənin Muğla Sıtkı Koçman Universiteti arasında 2012-ci ildə ikitərəfli əməkdaşlıq müqaviləsi imzalanıb.   ..
13.10.2017 17:35
Bakı Turizm Peşə Məktəbində seminar keçirilibOktyabrın 13-də Bakı Turizm Peşə Məktəbində Azərbaycanda Sağlamlıq və Termal Turizmə Dəstək Assosiasiyasının sədri, turizm üzrə ekspert Ruslan Quliyev “Turizm agenti” ixtisası üzrə təhsil alan tələbələr üçün seminar keçirib. Seminarda Azərbaycan Respublikası Prezidentinin 2016-cı il 6 dekabr tarixli Fərman ilə təsdiq edilmiş “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi” təqdim edilib, sənəddə ölkəmizin turizm sənayesinin gələcək inkişaf istiqamətlərinin öz əksini tapdığı bildirilib. Tədbirdə eyni zamanda yeni “Turizm haqqında” qanun layihəsinin bəzi maddələri haqqında məlumat verilib.   Ruslan Quliyev tələbələrə turizm sənayesində ixtisaslı kadrlara olan tələbat, onların işlə təmin olunması, qarşıya qoyulan hədəflərdən danışıb. Assosiasiya sədri turizm sahəsində baş verən yenilikləri izləməyin vacibliyini qeyd edərək, iştirakçılara bunun üçün saytları mütəmadi olaraq izləməyi tövsiyə edib. ..
12.10.2017 17:47
Turizm sahəsində peşə təhsili və təlimi proqramlarının əlaqələndirilməsi üzrə İşçi Qrupunun ikinci iclası keçirilmişdirAzərbaycan Respublikasının Prezidenti cənab İlham Əliyevin 2016-cı il 6 dekabr tarixli 1138 nömrəli Fərmanı ilə təsdiq edilmiş “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”nə uyğun olaraq, turizm sahəsində elmi tədqiqatların aparılması, digər ölkələrin təcrübəsindən yararlanmaqla turizm təhsili sektorunda yeni və təcrübəli əməkdaşlar üçün təlim modullarının müəyyən edilməsi, turizm sahəsində təhsilin beynəlxalq standartlara uyğunlaşdırılması və digər müvafiq tədbirlərin həyata keçirilməsi məqsədilə Azərbaycan Respublikasının Turizm Şurasının Turizm sahəsində peşə təhsili və təlimi proqramlarının əlaqələndirilməsi üzrə İşçi Qrupu yaradılmışdır. Azərbaycan Respublikası mədəniyyət və turizm nazirinin müavini Sevda Məmmədəliyevanın sədrliyi ilə 12 oktyabr 2017-ci il tarixində təşkil edilmiş İşçi Qrupunun ikinci iclasında Mədəniyyət və Turizm, Əmək və Əhalinin Sosial Müdafiəsi, habelə Təhsil nazirliklərinin nümayəndələri iştirak etmişlər. İclası giriş sözü ilə açan nazir müavini Sevda Məmmədəliyeva peşə təhsili istiqamətində fəaliyyətin əlaqələndirilməsi, mövcud təhsil sisteminə yeni yanaşmaların tətbiqi və əmək bazarının tələblərinə uyğun kadr hazırlığının təşkili ilə bağlı məsələlərin xüsusilə diqqətdə saxlanılmalı olduğunu bildirmişdir. Qeyd edilənlərdən əlavə toplantıda Şahdağ Regional Turizm Peşə Məktəbinin yaradılması ilə bağlı həyata keçirilən işlər, təqdim edilən “Turizmlə bağlı nümunəvi peşə standartlarının, peşə standartı üzrə qiymətləndirmə nümunələrinin və turizm müəssisələri üçün nümunəvi təlim standartlarının tətbiqi haqqında” əmr layihəsinin rəsmiləşdirilməsi vəziyyəti, İşçi Qrupunun İş planına, habelə digər qanunvericilik aktlarına uyğun olaraq həyata keçirilməli məsələlər ətrafında müzakirələr aparılmışdır. İclasın yekununda Şahdağ Regional Turizm Peşə Məktəbinin yaradılması ilə əlaqədar müvafiq işlərin sürətləndirilməsi, peşə standartlarına dair əmr layihəsinin aidiyyəti qurumlarla rəsmiləşdirilməsi imkanlarının araşdırılması, təhsilin pillələri üzrə turizm ixtisasları ilə bağlı siyahıda dəyişikliklərin edilməsi haqqında təkliflərin rəy bildirilməsi məqsədi ilə Azərbaycan Milli Elmlər Akademiyası və Təhsil Nazirliyinə göndərilməsi, habelə Strateji Yol Xəritəsinin və digər normativ - hüquqi sənədlərin icrası istiqamətində qarşıda duran vəzifələrin icrasının nəzarətdə saxlanılmaqla sürətləndirilməsi qərara alınmışdır.  ..
11.10.2017 10:09
Rusiya Federasiyasında Azərbaycanın turizm potensialının təqdimatı məqsədilə silsilə tədbirlərə (roudşou) başlanılmışdır 09 oktyabr 2017-ci il tarixində Azərbaycanın Rusiya Federasiyasındakı Səfirliyində bu ölkənin 100-dək turizm şirkətinin iştirakı ilə ölkəmizin turizm potensialının təqdimatı məqsədilə keçirilən silsilə tədbirlərin ilki keçirilmişdir. Tədbir Rusiya Federasiyasında Azərbaycan Respublikasının Mədəniyyət və Turizm Nazirliyinin təmsilçiliyini həyata keçirən “Tour A Vent” şirkətinin təşkilatçılığı ilə baş tutmuşdur. Tədbirdə “Şahdağ Turizm Mərkəzi”, “Qafqaz”, “Absheron Hotel Group”, eləcə də “Fairmont” və “Rixos” mehmanxanaları iştirak etmişdir. Tədbir çərçivəsində hər bir mehmanxananın imkanlarını əks etdirən təqdimatlar baş tutmuşdur. Qeyd edək ki, növbəti günlərdə silsilə tədbirləri çərçivəsində Sankt-Peterburq, Kazan və Yekaterinburq şəhərlərində də müvafiq təqdimat tədbirlərin keçiriləcəkdir. ..
10.10.2017 17:54
Azərbaycanın turizm imkanlarını əks etdirən yeni video-çarx büronun youtube kanalında və Red Bullun rəsmi saytında yayımlanıbMilli Turizm Təbliğat Bürosunun dəstəyi ilə hazırlanmış, Azərbaycanın turizm imkanlarını əks etdirən yeni videoçarx 10 oktyabr 2017-ci il tarixində büronun youtube kanalında və Red Bullun rəsmi saytında  yayımlanıb. Videonun əsas məğzi  ondan ibarətdir ki, Kenni yuxuda özünü Qobustanda yaşayan və qayaüstü şəkillər çəkən mağara insanı olduğunu görür və tədricən bu əraziləri özü üçün kəşf etməyə başlayır. “Həftə ərzində Qobustan qayalarında velosiped sürmək kifayət qədər ekstremal idi. Qədim divar şəkillərinə yaxın ərazilərdə velosiped sürmək gözəl hisslər idi  və biz tarixi-bədii qoruğun əhval-ruhiyyəsini çatdırmağı bacardıq.  Aktiv palçıq vulkanlarında çimmək və təhlükəli ilanlarla qarşılaşmaq , işimizə daha kəskin hisslər əlavə edirdi.“ deyə Kenni Beley bildirir. Layihə, “Qobustan“ sözünün mənşəyinə görə “Land Of the Bulls“ adlanır (dəqiq tərcümə: Öküzlər Diyarı). Tarixçilər, bu sözün tarixi və əhəmiyyəti barədə bir neçə fikir irəli sürürlər. Amma qədim dildə (Qavistan) dəqiq olaraq Öküzlər Diyarı kimi tərcümə olunur. Qədim zamanlarda bu ərazidə vəhşi öküzlərin yaşaması, həmçinin onların çoxsaylı qayaüstü şəkilləri ilə də sübut olunur. Kenni Beley videoçarxda Azərbaycanı tək klassik turizm üçün yox, həm də idman turizmi üçün cazibədar bir ölkə adlandırır və ölkənin bu istiqamətdə imkanlarının geniş olduğunu bildirir. https://www.youtube.com/watch?v=68WYwSmJ8AI ..
09.10.2017 17:17
Bakı Turizm İnformasiya Mərkəzi digər turizm informasiya mərkəzlərinin fəaliyyətinin əsas istiqamətləri üçün metodiki tövsiyyələr hazırlayıbBakı Turizm İnformasiya Mərkəzi digər turizm informasiya mərkəzlərinin fəaliyyətinin təkmilləşdirilməsi, onlara praktiki köməkliyin göstərilməsi, metodik təlimatların və tövsiyyələrin hazırlanması məqsədilə fəaliyyətin koordinasiyası və turizm mərkəzlərinə metodik rəhbərliyin həyata keçirilməsi üçün metodiki mərkəz funksiyasının yerinə yetirməsi təyin olunub. Bu məqsədlə Mərkəz tərəfindən turizm informasiya mərkəzlərinin fəaliyyətinin əsas istiqamətləri üzrə metodiki tövsiyyələr işlənib hazırlanmışdır. Metodiki tövsiyyələr özündə “Turizm informasiya mərkəzlərinin əsas fəaliyyət istiqamətləri”, “Turizm informasiya mərkəzlərinin yerinin seçimi və bitişik ərazinin təşkili üzrə tövsiyyələr”, “Təşkilati struktur standartları üzrə tövsiyyələr”, “Göstərilən xidmətlərin çeşidinə olan tələblər və tövsiyyələr”, “Məlumat-məsləhət xidmətinin standartlarının işlənib hazırlanması, fiziki qüsurlu insanlara xidmətlərin göstərilməsi üzrə tövsiyyələr”, “Mərkəzlərin otaqları üzrə texniki tələb və tövsiyyələr” və s. bölmələri əks etdirir. Metodiki tövsiyyələr öz fəaliyyətlərində rəhbər tutmaları üçün müvafiq regional turizm informasiya mərkəzlərinə göndərilmişdir. ..
09.10.2017 15:20
Daşkənddə "Turizm biznesinin inkişafı və xarici təcrübənin Özbəkistanda tətbiqi məsələləri” adlı Beynəlxalq elmi konfransda Azərbaycan təmsil olunub2017-ci il 6 oktyabr tarixində Daşkənd Dövlət İqtisadiyyat Universitetində Özbəkistanda keçirilən  23-cü Daşkənd Beynəlxalq Turizm yarmarkası çərçivəsində “Turizm biznesinin inkişafı və xarici təcrübənin Özbəkistanda tətbiqi məsələləri” adlı elmi konfrans keçirilib. Qeyd edək ki, Daşkənd Dövlət İqtisadiyyat Universitetində turizmin müxtəlif sahələrinə dair fakültələr fəaliyyət göstərir. Tədbirin təşkilatçıları Özbəkistan Ali və orta təhsil Nazirliyi, Turizmin inkişafı üzrə Dövlət Komitəsi, Daşkənd Dövlət İqtisadiyyat Universiteti olub. Tədbirin açılışında giriş sözü ilə çıxış edən Daşkənd Dövlət İqtisadiyyat Universitetinin rektoru, professor Baxodir Xudiyev son illər Özbəkistanda turizm sahəsində həyata keçirilən işlər, mövcud problemlər, turizm biznesinin inkişafını təmin etmək məqsədi ilə ölkədə turizm təhsili sahəsində həyata keçirilən layihələr barədə danışıb. Rektor Baxodir Xudiyev turizm sahəsində inkişafa nail olmaq üçün qabaqcıl xarici təcrübənin öyrənilməsi və Özbəkistanda tətbiqinin olduqca vacib olduğunu vurğuladı. Turizmin inkişafı üzrə Dövlət Komitəsinin departament rəhbəri Ənvər Yusupov Özbəkistanda  turizm sahəsinin artıq iqtisadiyyatın aparıcı sahəsi kimi prioritet sahəyə çevrildiyini və bu istiqamətdə əsaslı işlərin, layihələrin həyata keçirilməsinin dövlətin diqqətində olduğunu bildirdi. Natiq Türkiyə, Azərbaycan, Tailand və Sinqapur təcrübəsinin onlar üçün maraqlı olduğunu qeyd etdi. Daha sonra Sinqapur, Tailand, Azərbaycan, Yunanıstan təmsilçiləri tədbirdə məruzə ilə çıxış edərək turizm sahəsində əldə olunan nailiyyətlərdən, ölkələrinə turist cəlb etmək üçün həyata keçirilən layihələr barədə geniş çıxış etdilər. Azərbaycan təmsilçisi Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov ölkədə turizmin inkişafı sahəsində həyata keçirilən nəhəng layihələr barədə danışaraq, bu sahənin ölkə rəhbərliyinin bir başa diqqətində olduğunu qeyd etdi. O, 2011-ci ilin Azərbaycanda “turizm ili” elan olunduğunu, yay turizmi ilə yanaşı qış turizm mərkəzləri olan Qusarda Şahdağ, Qəbələdə Tufandağ kimi müasir dünya standartlarına cavab verən istirahət turizm mərkəzlərinin yaradıldığını söylədi, turizm təhsili sahəsində həyata keçirilən işlər, Azərbaycan Turizm və Menecmentlik Universiteti haqqında məlumat verdi. Samir Abbasov Azərbaycan Respublikası Mədəniyyət və Turizm Nazirliyinin ölkədə turist sayının son statistikasına dair məlumatlarını açıqlayaraq, bu ilin ilk 8 ayında ayında Azərbaycana 1 milyon 818 min nəfər gəldiyini və Azərbaycan dövlətinin əsas hədəfinin 2020-ci ilə qədər turist sayının 4-5 milyon nəfərə çatdırılması olduğunu qeyd etdi. Tədbirdə Prezident İlham Əliyev tərəfindən imzalanan Sərəncama əsasən ölkəyə gələn turistlər üçün prosedurun asanlaşdırılması məqsədi ilə elektron “ASAN VİZA” sisteminin  yaradılması haqqında məlumat verildi, Azərbaycanda keçirilən beynəlxalq tədbirlərin – Avropa və İslam oyunlarının, “Formula 1” yarışması, Bakı Şopinq Festival və b. turizmin inkişafına böyük təkan verdiyini vurğulandı. Konfrans çərçivəsində iştirakçılar arasında maraqlı diskusiyalar oldu, Özbəkistandakı Heydər Əliyev adına Azərbaycan Mədəniyyət Mərkəzinin ötən 3 ildə Özbək turistlərin Azərbaycana cəlb olunması və bu istiqamətdə həyata keçirilən işlər, iki ölkə arasında turizm sahəsində perspektivlərdən danışıldı. Azərbaycandan 4 milyondan çox Azərbaycan vətəndaşının xaricə səfər etdiyini və Azərbaycan turistlərinin Özbəkistana da cəlb olunmasının vacibliyi barədə Özbək turizm ekspertləri xüsusi təkliflər səsləndirdilər.  Məruzələrlə yanaşı, tədbirdə Azərbaycan Mədəniyyət Mərkəzinin ölkəmizin turizm potensialı, turizm obyektləri və regionlara təşkil olunan turizm turlara dair hazırladığı xüsusi video material nümayiş etdirildi. Konfransda fəal iştirak edən qonaqlar Təşkilat Komitəsinin Fəxri Fərmanları ilə təltif olundular. Azərbaycan təmsilçisi də xüsusi mükafata layiq görüldü. Tədbirin sonunda Daşkənd Dövlət İqtisadiyyat Universitetinin Turizm Fakultəsində turizm təhsilində praktiki məşğələləri həyata keçirmək üçün təlim mərkəzinin açılışı oldu. Qeyd edək ki, Təlim Mərkəzində oteldə qəbul, müştərilərlə söhbət kafedrası, restoran və orada təşkil olunan xidmət, yataq otaqları, dünya standartlarına uyğun xidmətin təşkili və s. bölmələr nəzərdə tutulub. Tanışlıq zamanı Daşkənd Dövlət İqtisadiyyat Universitetinin tələbələri əyani olaraq turistlərə xidmətin təşkilinə dair məşğələləri təqdim olunub.     ..