Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
616

Əməkdar rəssam Rəşid Həsənov (Şerif) vəfat edib

Azərbaycan mədəniyyətinə və teatr sənətinə ağır itki üz vermişdir. Yuğ Dövlət Teatrının baş rəssamı Əməkdar rəssam Rəşid Şerif (Həsənov) ömrünün 67-ci ilində vəfat etmişdir.

Həsənov Rəşid İbrahim oğlu (Rəşid Şerif) 1953-cü il 29 sentyabrda Bakı şəhərinin Mərdəkan qəsəbəsində anadan olmuşdur.

1976-cı ildə Əzim Əzimzadə adına Azərbaycan Rəssamlıq Məktəbini bitirmiş, elə həmin ildən S.Rəhman adına Şəki Dövlət Dram Teatrının quruluşçu rəssamı vəzifəsində çalışmağa başlamışdır. 1989-cu ildən – Yuğ Teatrının yarandığı vaxtdan burada baş rəssam kimi fəaliyyətə başlamışdır.

R.Şerif “Açar” (Nizami Gəncəvi), “Səma” (Şah İsmayıl Xətai), “Gəl gedək”, “Gündoğan”, “Bircə qarış” (Ramiz Rövşən), “Ümid”, “Ümid - 2” (Semuel Bekket), “Leyli demə”, “Yol” (Məhəmməd Fizuli), “Dad”, “Vəsl”, “Hicr”, “Rəhm”, “Bəlayi-eşq”, “Yar”, “Ya rəbb”, “Rüsva”, “Əfğan”, “Rindü-şeyda” (Məhəmməd Fizuli), “Yuxu” (Z.Marağayi), “Sentimental vals”, “Birinci akt” (Anton Pavloviç Çexov), “Yasaq” (Əbülqasım Firdovsi), “Təskinlik verməyi unutmayın” (Antuan de Sent Ekzüperi), “Audiensiya”, “V ölçü”, “Uzun incə bir yoldayam” (Vaqif İbrahimoğlu), “Dürlü xəbər” (“Kitabi-Dədə Qorqud”), “Solğun çiçəklər” (Cəfər Cabbarlı), “Adam uşağı” (Umay Minnur), “Efirdə görüşənədək” (Əbdülqəni Əliyev), “Pəncərə önündə” (Kamal Aslanov), “Ən gülməli ölü” (Vaqif Bayatlı), “Rənglər” (Rəsul Rza), “Ov” (Qoderzi Çoxelli), “Cənab Ö” (Cəlil Məmmədquluzadə), “Otello” (Vilyam Şekspir), “Hop-hop” (Mirzə Ələkbər Sabir), “Sən həmişə mənimləsən” (İlyas Əfəndiyev), “Üz tuturam Tanrıya” (Fəxrəddin Salim), “Arabir görüşməyə kişi axtarıram” (Rüstəm İbrahimbəyov), “Dəvə yağışı”, “Axırdan sonra”, “Bir, iki, bizimki...” (Kamal Abdulla), “Faust” (İohan Volfqanq Göte), “İlan dərisi” (Slabodan Şnayder), “Olsun” (Yunis İmrə), “Midasın qulaqları” (Güngör Dilmen), “Can üstə” (Afaq Məsud), “O susurdu” (Süqoro Yamamoto), “Kafkadan salam” (Frans Kafka), “Tas” (Orxan Fikrətoğlu), “Naməlum Axundzadə” (Mirzə Fətəli Axundzadə) kimi 80-dən artıq tamaşaya səhnə tərtibatı vermişdir.

2003-cü ildə Estoniyanın Vilyandi şəhərindəki “Uqala” teatrında “Dekameron” tamaşasının səhnə tərtibatının müəllifi olmuşdur.

Rəşid Şerif 1992-ci ildən karikaturaçı kimi bir sıra qəzetlərlə əməkdaşlıq etmişdir. 1997-ci ildən “Aydın doğan” Beynəlxalq karikatura müsabiqəsinin daimi iştirakçısı olmuş, 1996-2000-ci illərdə “İlin ən yaxşı karikaturaçısı” nominasiyası üzrə “Media açarı” mükafatına layiq görülmüşdür. “İnsan hüquqları: ikinci nəfəs” (Alma-Atı, Qazaxıstan, 1998-ci il) Beynəlxalq sərgi-seminarının iştirakçısı olmuşdur.

Bakı İncəsənət Mərkəzi (Bakı, 1995), Nizami adına Ədəbiyyat Muzeyi (Bakı, 1996), “Adile Naşit” Mədəniyyət Mərkəzi (İstanbul, Türkiyə, 1991), “Kodolinna Mayas” qalereyası (Tallin, Estoniya, 2003) kimi mötəbər sərgi salonlarında rəsm sərgiləri keçirilmişdir. Azərbaycan teatr rəssamlarının “Retrospektiv” (Bakı, 2005) adlı sərgisinin iştirakçısıdır.

2011-ci ildə Azərbaycan Respublikası Prezidentinin müvafiq Sərəncamı ilə Əməkdar rəssam fəxri adına layiq görülmüşdür. 

Görkəmli rəssam Rəşid İbrahim oğlu Həsənovun əziz xatirəsi onu tanıyanların və sevənlərin qəlbində əbədi yaşayacaqdır. 

Allah rəhmət eləsin!

XƏBƏRLƏR

02.07.2020 14:38
Mədəniyyət müəssisələrinin fəaliyyətinə həsr olunmuş iclas keçirilib
02.07.2020 13:27
Vikipediyada Mikayıl Müşfiq haqqında özbək dilində bölmə istifadəyə verilib
01.07.2020 15:43
Beynəlxalq Muğam Mərkəzindən canlı yayımlar davam edir
01.07.2020 11:50
Avropa Şurasının Mədəniyyət, irs və landşaft məsələləri üzrə Rəhbər Komitəsinin növbəti iclası videokonfrans formatında keçirilib
30.06.2020 15:51
Xətai Sənət Mərkəzinin təşkilatçılığı ilə uşaqlar üçün nəzərdə tutulan rəsm müsabiqəsi davam edir
30.06.2020 15:48
Azərbaycan və Özbəkistan məktəbliləri arasında beynəlxalq onlayn festival təşkil ediləcək
30.06.2020 15:08
Peşəkar kitabxanaçılar arasında debat keçirilib
30.06.2020 15:02
Beynəlxalq Muğam Mərkəzi tərəfindən unudulmaz xanəndənin irsi ilə bağlı tədqiqatlar davam etdirilir
30.06.2020 11:42
Əməkdar artist Emin Əliyevin rəhbərliyi ilə onlayn rəqs kursları davam edir
29.06.2020 13:22
“Tərəfdaşlarla görüş” layihəsi çərçivəsində növbəti onlayn videokonfrans təşkil olunub
26.06.2020 17:32
Respublika Gənclər Kitabxanası Silahlı Qüvvələr Günü münasibətilə videoçarxlar hazırlayıb
25.06.2020 17:09
“Birgə mütaliə” layihəsinin növbəti kitab müzakirəsi narkomaniyanın törətdiyi fəlakətlər və onlarla mübarizəyə həsr olunub
25.06.2020 11:10
“Mənim yay tətilim-2020” Respublika Uşaq Rəsm Müsabiqəsi davam edir
25.06.2020 11:09
Bölgələrdəki mədəniyyət müəssisələrinin fəaliyyəti onlayn formada davam edir
24.06.2020 17:03
Gəncədə “Şah Abbas” və “Uğurlu Xan” karvansara kompleksi bərpadan sonra istifadəyə verilib
24.06.2020 11:16
Açıq xarakterli mədəni konsaltinq xidmətləri davam edir
23.06.2020 12:32
“Minnətdarıq” adlı respublika rəsm müsabiqəsinin onlayn sərgisi açılıb
23.06.2020 10:11
“Birgə mütaliə” adlı layihə davam edir
22.06.2020 11:02
INTERACT layihəsi çərçivəsində Andrey Zvyaqintsevlə onlayn ustad dərsi baş tutub
22.06.2020 10:43
Beynəlxalq Muğam Mərkəzinin direktoru Murad Hüseynov beynəlxalq onlayn konfransda iştirak edəcək
22.06.2020 10:35
Bədii təhsilin perspektivliyi müzakirə edilib
19.06.2020 17:59
“Mənim balaca Şahzadəm” qısametrajlı animasiya filmi beynəlxalq festivalın qalibidir
19.06.2020 10:13
Kuklaçılar “Qara balığın nağılı”nı təqdim ediblər