Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1265

“Muzeylər bərabərlik üçün: müxtəliflik və inklüzivlik” mövzusunda onlayn beynəlxalq konfrans keçirildi

Mayın 18-də Beynəlxalq Muzeylər Gününə həsr olunmuş “Muzeylər bərabərlik üçün: müxtəliflik və inklüzivlik” mövzusunda onlayn beynəlxalq konfrans keçirildi. Konfrans Mədəniyyət Nazirliyi və Beynəlxalq Muzeylər Şurası (İCOM) Azərbaycan Milli Komitəsinin təşkilatçılığı ilə reallaşdı.

Tədbir İCOM Azərbaycan Milli Komitəsinin sədri, Milli Xalça Muzeyinin direktoru Şirin Məlikovanın moderatorluğu ilə keçirildi. İki hissədən ibarət konfransın birinci hissəsində Şirin Məlikova tədbir iştirakçılarını salamlayaraq sözü Mədəniyyət nazirinin müavini Sevda Məmmədəliyevaya verdi.

Sevda Məmmədəliyeva 18 may – Beynəlxalq Muzeylər Günü münasibətilə konfrans iştirakçılarını təbrik etdi. Dünya üçün çətin bir dönəmdə konfransa qatılan bütün iştirakçılara, alim və mütəxəssislərə təşəkkürünü bildirdi. Qeyd edildi ki, 18 may dünyada muzey işçiləri üçün çox əlamətdar bir tarixdir. 1977-ci ildə UNESCO yanında Beynəlxalq Muzeylər Şurasının konfransında təsis olun Muzeylər günü bu il "Muzeylər bərabərlik üçün: müxtəliflik və inklüzivlik" devizi altında keçirilir. İncəsənətin bərabərliyi bu gün bir-birindən ayrı və sosial izolyasiya şərtlərində olan minlərlə insanı birləşdirən bir şüar kimi səslənir və sənətin cəmiyyətin həyatındakı bənzərsiz, humanist rolunu bir daha vurğulayır. Vurğulandı ki, bu gün muzey işi mədəniyyət sahəsinin ən önəmli sahələrindən biridir. Muzey təkcə ziyarət edilərək ilham alınacaq bir məkan anlamından çıxaraq böyük sosial məna daşımağa başlayıb. Azərbaycanda hər bir vətəndaşın, o cümlədən əlilliyi olan şəxslərin sosial rifah halının təmin edilməsi üçün dövlət səviyyəsində layihələr həyata keçirilir. Bu gün muzey işində də sağlamlığı məhdud insanlar üçün inklüziv layihə və proqramları uğurla həyata keçirilir: “Deməli, muzeylər işçi qüvvələrində, sərgilərdə, tədris proqramlarında və ziyarətçilər arasında inklüzivlik təmin edilməlidir. Bu sahədə xidmət göstərilən icmaların bütün üzvləri üçün təhlükəsiz, hərtərəfli şərait yaradılmalıdır”.

Sevda Məmmədəliyeva çıxışında bu gün Azərbaycanın dilbər guşələrindən olan Laçın rayonunun Ermənistan silahlı qüvvələri tərəfindən işğalının ildönümü olduğunu da konfrans iştirakçılarının diqqətinə çatdırdı. Bildirdi ki, Azərbaycanın erməni işğalı altında olan bölgələrində tariximiz-mədəni mirasımız böyük dağıntı və mənimsəməyə məruz qalıb. Nazir müavini sonda beynəlxalq konfransın işinə uğurlar arzuladı.

Daha sonra Avropa Muzey Təşkilatları Şəbəkəsinin (NEMO) sədri David Vuillaume, “The Entertrainers Limited” şirkətinin direktoru, təlim provayderi, müxtəliflik və inklüzivlik üzrə məsləhətçi Barbara Lisicki, Beynəlxalq Mədəni İnklüziv Liderlik Mərkəzinin direktoru, Anant Milli Universitetinin (Hindistan) professoru, İCOM-un keçmiş vitse-prezidenti Amareswar Gallanın çıxışları dinlənildi. Beynəlxalq ekspertlər məruzələrində mövzu ilə bağlı təcrübələrini bölüşdülər. Bu sahədə qarşıya çıxan suallar, yeniliklər haqqında məlumat verdilər.

Konfransın ikinci hissəsində ölkəmizdən muzey mütəxəssislərinin məruzələri dinlənildi. Azərbaycan Milli Xalça Muzeyinin direktoru Şirin Məlikova rəhbərlik etdiyi qurumun bu sahədə təcrübəsi, həyata keçirdiyi layihələrlə bağlı məlumat verdi.

YARAT Müasir İncəsənət Məkanının direktoru Suad Qarayeva-Maleki müxtəlif kateqoriyalı ziyarətçilər üçün reallaşdırılan layihələrdən söz açdı, bu istiqamətdə fəaliyyətin davamlı olaraq təkmilləşdirildiyini diqqətə çatdırdı. Bildirdi ki, hazırlanan yeni layihələr karantin rejimindən sonra da tətbiq ediləcək.   Azərbaycan Milli İncəsənət Muzeyi, Milli Azərbaycan Tarixi Muzeyi, Azərbaycan Musiqi Mədəniyyəti Dövlət Muzeyi, Azərbaycan İstiqlal Muzeyi, Cəfər Cabbarlı adına Azərbaycan Dövlət Teatr Muzeyi, Muzey Mərkəzi, “İçərişəhər” Muzey Mərkəzi, Qobustan Milli Tarix-Bədii Qoruğu, habelə paytaxtımızda fəaliyyət göstərən ev, xatirə və mənzil muzeylərinin direktorları mövzu ilə bağlı müzakirələrə qoşularaq fikrilərini bölüşdülər.

AMEA-nın Milli Azərbaycan Tarixi Muzeyinin direktoru Nailə Vəlixanlı, Musiqi Mədəniyyəti Dövlət Muzeyinin direktoru Alla Bayramova və digərləri çıxışları zamanı fiziki məhdudiyyətli ziyarətçilər üçün muzeylərdə reallaşan layihələr haqqında məlumat verdilər.

Sonda İCOM Azərbaycan Milli Komitəsinin sədri Şirin Məlikova konfrans iştirakçılarına təşəkkürünü bildirdi.

XƏBƏRLƏR

22.01.2021 17:56
“Böyük Azərbaycan şairi və mütəfəkkiri – Nizami Gəncəvi” mövzusunda kitab sərgisinin açılışı keçirildi
22.01.2021 13:34
“Qorqudnamə” kitabının təqdimat mərasimi keçirilib
21.01.2021 16:36
Şəhid ailələrinə və qazilərə qayğı göstərilir
21.01.2021 11:44
Vətənpərvərlik mövzusunda ədəbiyyat müsabiqəsinin qalibləri müəyyənləşdi
19.01.2021 20:57
Mədəniyyət naziri türk dünyası təşkilatlarının nümayəndə heyəti ilə görüşüb
18.01.2021 16:20
Mədəniyyət Nazirliyi ictimaiyyətə müraciət edir!
15.01.2021 13:47
İCESCO nümayəndə heyətinin ölkəmizə səfərinin yekunlarına həsr olunmuş mətbuat konfransı
14.01.2021 16:33
Zəfər muzeyinin məzmununun hazırlanması ilə əlaqədar ekspert qrupu yaradılıb
13.01.2021 14:46
Prezident İlham Əliyev ICESCO-nun Baş direktorunun rəhbərlik etdiyi nümayəndə heyətini qəbul edib
13.01.2021 09:41
Vətən müharibəsi memorial kompleksi və Zəfər muzeyinin məzmunu ilə əlaqədar müzakirələrin aparılması məqsədilə onlayn görüş keçirilib
12.01.2021 18:13
İCESCO nümayəndə heyəti Azərbaycanın işğaldan azad edilmiş ərazilərinə səfər edib
11.01.2021 19:35
Mədəniyyət naziri ICESCO-nun Baş direktoru Salim əl-Malik ilə görüşdü
11.01.2021 10:42
Kitabxana və nəşriyyat-poliqrafiya müəssisələri ilə görüş keçirilib
08.01.2021 18:13
“Mədəniyyət/Culture” jurnalının “Zəfər” sayı...
08.01.2021 10:08
Anar Kərimov ilə Birləşmiş Millətlər Təşkilatının ölkəmizdəki Rezident Əlaqələndiricisi Qulam İsakzai ilə görüşdü
07.01.2021 19:39
Nazir Anar Kərimov və Qarabağ Dirçəliş Fondunun Müşahidə Şurasının üzvü Tural Gəncəliyev arasında videoformatda görüş keçirildi
06.01.2021 17:27
Prezident İlham Əliyev Anar Kərimovu mədəniyyət naziri təyin olunması ilə əlaqədar videoformatda qəbul edib
05.01.2021 12:38
Azərbaycan Respublikasında 2021-ci ilin “Nizami Gəncəvi İli” elan edilməsi haqqında Azərbaycan Respublikası Prezidentinin Sərəncamı
30.12.2020 18:12
"Mədəniyyət və yaradıcılıq sahəsində rəqəmsal həllər” startap müsabiqəsinin qalibləri ilə onlayn görüş keçirildi
29.12.2020 17:27
İşğaldan azad edilmiş ərazilərdə yerləşən abidələrin qorunması və bərpası ilə bağlı məsələlər müzakirə olunub
29.12.2020 14:34
Bakı şəhər muzeylərinin rəhbərləri ilə onlayn görüş keçirilib
28.12.2020 09:30
Əməkdar artist Almaz Mustafayeva vəfat edib
25.12.2020 18:55
Görkəmli ədib və ictimai-siyasi xadim Əbdürrəhim bəy Haqverdiyevin 150 illiyinə həsr olunan videokonfrans keçirildi
24.12.2020 14:07
Mədəniyyət Nazirliyində kadr təyinatı
23.12.2020 16:34
Mədəniyyət Nazirliyi “Yurda Qayıdış: Qarabağ adətləri - ənənələri” layihəsi ilə bağlı müraciət edir
22.12.2020 17:54
Görkəmli rejissor və kinodramaturq Həsən Seyidbəylinin xatirəsi anılıb
22.12.2020 15:04
Şəhid mədəniyyət işçilərini ehtiramla anırıq!
22.12.2020 13:02
Xalq artisti Sabir Əliyev dünyasını dəyişib
22.12.2020 11:20
Xalq artisti Səfurə İbrahimova vəfat edib
21.12.2020 09:42
Mədəniyyət xadimləri ilə videokonfrans formatında görüş keçirilib
21.12.2020 09:22
Əməkdar artist Atabala Səfərov vəfat edib