Qusar Dövlət Ləzgi Dram Teatrında Meyxoş Abdullahın eyni adlı romanı əsasında Laləzər Hüseynova tərəfindən səhnələşdirilmiş “Əsir qadın “ tamaşası səhnəyə qoyulmuşdur.
Əsərdəki hadisələr Qarabağ döyüşləri zamanı baş vermişdir. Əsərdə əsir düşmüş insanların taleyindən danışılır. Yazıçı əsir düşmüş Səidə adlı gənc qadının yaşadığı müsibətləri qələmə alaraq, əsirlikdə olan soydaşlarımızın ağrı-acılarını və vətən həsrətini göstərməyə çalışmışdır.
Səidə əsir düşdükdən sonra ermənilər onun gözünün qarşısında həyat yoldaşı Əlini və oğlu Ruslanı öldürür. Eləcə də əsir düşmüş dinc əhalinin işqəncələrə məruz qaldıqlarının şahidi olur. Bütün bu əzəblara dözən Səidə bir gün ermənilərdən qisas aldığı günü gözləyir və axırda erməni zabitini kislata ilə yandırır. Tamaşanın sonunda Səidə özünü əhaliyə tutaraq yalvarır ki: “Bizi yaddan çıxartmayın! Bizi xilas edin! Bizi unutmayın!”.
Tamaşanın premyerasında əsərin müəllifi Meyxoş Abdullah da iştirak etmişdir. Tamaşa ictimaiyyət tərəfindən alqışlarla qarşılandı.
Məlumat üçün bildirək ki, tamaşanın quruluşçu rejissoru Azərbaycan Respublikasının Əməkdar mədəniyyət işçisi və Dağıstan Respublikasının Əməkdar artisti Laləzar Hüseynovadır.
Rollarda Kifayət Yusifova (fəxri mədəniyyət işçisi), Bağır Əhmədov (fəxri mədəniyyət işçisi), Kəmalə Səfərova, Tofik Mustafayev, Aysel Qiyasova, Namik Mustafayev, Həsərət Nəsrullayev (fəxri mədəniyyət işçisi), Lalə Qurbanova və başqaları çıxış edir.
