“21 sentyabr – Beynəlxalq Sülh Günü” münasibətilə “İnsan Sülh üçün” adlı tədbir keçirilmişdir
Azərbaycan Musiqi Mədəniyyəti Dövlət Muzeyi, Azərbaycan İstiqlal Muzeyi və Azərbaycan Dövlət Teatr Muzeyi ilə birgə “Sülh aylığı” çərçivəsində Beynəlxalq Sülh Günü münasibətilə tədbir keçirmişdir.
Azərbaycan Musiqi Mədəniyyəti Dövlət Muzeyinin şöbə müdiri Xanım Abdinova “Beynəlxalq Sülh Günü”nün yaranma tarixi, “Sülh aylığı”nın mahiyyəti haqqında məlumat vermişdir. “21 sentyabr Beynəlxalq Sülh günüdür. BMT bu günü 1981-ci ildə təsis edib. İlk sülh günü 1981-ci ilin sentyabrında qeyd olunub. O vaxtdan Beynəlxalq Sülh günü sentyabr ayının hər 3-cü çərşənbə axşamı qeyd edilirdi. Lakin 2001-ci ildə Birləşmiş Kralıq tərəfindən təklif olunan qətnamə ilə 2002-ci ildə BMT Sülh günü üçün 21 sentyabr tarixini dəqiq tarix kimi müəyyənləşdirib və bu tarixi ümumdünya atəşkəs günü elan edib” – deyə X.Abdinova qeyd etmişdir.
Tədbirdə İnsan hüquqları haqqında videoçarx nümayiş olunmuşdur.
Sonra “Polisə dəstək” İctimai Birliyinin sədri, Azərbaycan Respublikası Mətbuat Şurasının icraçı katibi, hüquqşünas Şəmsəddin Əliyev çıxış edərək “Beynəlxalq Sülh Günü” ilə bağlı öz fikirlərini bölüşmüşdür.