Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
327

Azərbaycan-Türkiyə müştərək xalq oyunları və ənənələrinə həsr olunan panel keçirilib

Martın 14-də Azərbaycan Milli Elmlər Akademiyasında “Azərbaycan-Türkiyə müştərək xalq oyunları və ənənələri” adlı panel keçirilib.

Tədbir Mədəniyyət Nazirliyi, Bakı Yunus Əmrə İnstitutu, Türk Əməkdaşlıq və Koordinasiya Agentliyinin Bakı nümayəndəliyi, Qeyri-Maddi Mədəni İrs Dərnəyi, Rəsmi və Qeyri-Rəsmi Təhsildə Qeyri-Maddi Mədəni İrs UNESCO Kürsüsü və AMEA-nın Folklor İnstitutunun birgə təşəbbüsü ilə reallaşıb.

Tədbirdə Mədəniyyət Nazirliyinin sektor müdiri Vüqar Məmmədov iki qardaş ölkənin bütün sahələrdə olduğu kimi, mədəniyyət, xüsusən də folklor sahəsində birgə əməkdaşlığını yüksək qiymətləndirib və tədbirin işinə uğurlar arzulayıb.

Mövzunun aktuallığını qeyd edən Bakı Yunus Əmrə İnstitutunun müdiri Cihan Özdəmir təmsil etdiyi qurumun fəaliyyəti barədə məlumat verib. Bildirib ki, dünyanın 48 ölkəsində fəaliyyət göstərən 58 Yunus Əmrə Mərkəzi türk dilinin tarixini, mədəniyyətini, sənətini tanıtmağa çalışır.

Qeyd edib ki, Bakı Yunus Əmrə İnstitutu Azərbaycanla Türkiyə arasında mədəniyyət körpüsü rolunu oynamağa çalışaraq bir çox mədəniyyət, elm mərkəzləri ilə birgə layihələr reallaşdırır: “Bu baxımdan bugünkü müştərək xalq oyunları və ənənələrinə həsr olunan panelin mövzusu bizim milli mədəniyyətimizin ayrılmaz bir parçasına həsr olunub. Mədəniyyət bizim milli kimliyimizin təcəssümüdür”.

AMEA Folklor İnstitutunun direktoru, akademik Muxtar İmanov Novruz bayramı münasibətilə keçirilən tədbirlə bağlı deyib ki, məqsəd hər iki ölkənin müştərək xalq oyunları və ənənələri mövzusunda elmi müzakirələr aparmaq və bu oyunların gələcək nəsillərə ötürülməsinin əhəmiyyətini vurğulamaqdır. Bildirib ki, xalq mədəniyyətimizin ən vacib qollarından birini də xalq oyunları və meydan tamaşaları təşkil edir. “Bu oyunların, tamaşaların arxaik köklərinə getmək, onun müasir durumunu öyrənmək, bərpa etmək, özümüzə və dünyaya çatdırmaq bizim ən vacib vəzifələrimizdən biridir. Bunun üçün təkcə elmi araşdırmalar aparmaq yox, təşkilatlar arasında münasibətlər qurmaq, təcrübi-praktik işlər görmək və bu işlərin sayəsində milli kimliyimizi dünyada tanıtmaq görüləsi işlərimiz sırasında qeyd olunası məsələlərdən biridir. Çox sevinirəm ki, Bakı Yunus Əmrə İnstitutu istər Türkiyənin, istər digər qardaş türk xalqlarının mədəniyyəti ilə bağlı ardıcıl və məqsədyönlü tədbirlər görür”, - deyə akademik vurğulayıb.

Milli Məclisin deputatı Sona Əliyeva tədbirin əhəmiyyətini qeyd edərək deyib: “İnsanın milli kimliyini formalaşdıran bir neçə amil var ki, bunlar Vətən, torpaq, mədəniyyət, onun yaşadığı cəmiyyət və sərhədlərini müəyyən edən dövlət. İnsanın milli kimliyi, dəyərləri olmadan yaşaması qeyri-mümkündür. Milli kimlik bizi keçmişimizə, genetikamıza, tarixi yaddaşımıza bağlayan əsas amillərdəndir. Azərbaycan xalqı zaman-zaman məhdudiyyətlərlə üzləşməsinə baxmayaraq milli kimliyini, qürurunu qoruyub, saxlayıb. Xalqımız 70 il keçmiş SSRİ-nin tərkibində olmasına baxmayaraq, öz milli dəyərlərini, adət-ənənələrini qoruya bilib”.

Sonra tədbir xalq oyunları və ənənələri ilə bağlı müxtəlif mövzuda məruzələrin dinlənilməsi ilə davam edib.

XƏBƏRLƏR

24.05.2019 13:09
Mədəniyyət naziri və müavinləri regionlarda vətəndaşları qəbul ediblər
24.05.2019 09:54
Musiqi Mədəniyyəti Muzeyində Soltan Hacıbəyovun anadan olmasının 100 illiyi qeyd olunub
24.05.2019 08:53
“Mənim balaca şahzadəm” cizgi filminin təqdimatı keçirildi
23.05.2019 17:39
Bakıda tanınmış rəssam Vədud Müəzzinin fərdi sərgisi açılıb
23.05.2019 16:11
“Balaca Şahzadə” dörd dəfə nümayiş olunacaq
23.05.2019 16:00
Xalq yazıçısı İlyas Əfəndiyevə həsr olunan elektron məlumat bazasının təqdimatı keçirildi
23.05.2019 15:52
Gəncə Dövlət Kukla Teatrının aktyoru vəfat etmişdir
23.05.2019 11:36
Nizami Gəncəvinin “Sirlər xəzinəsi” Türkiyə Kitab və Mədəniyyət Sərgisində
23.05.2019 11:10
Musiqili Teatrda 60-cı dəfə “O olmasın, bu olsun” nümayiş olunacaq
23.05.2019 10:45
Akademik Musiqili Teatrın orkestr artisti Estoniyada konsert proqramı ilə çıxış edib
23.05.2019 10:30
Qusarın ən çox kitab oxuyan sakinləri mükafatlandırılıb
23.05.2019 10:23
Musiqili Teatr geniş heyətlə Qəbələdə qastrol səfərində olacaq
23.05.2019 09:31
Heydər Əliyev Mərkəzində dünya şöhrətli rəssam Zurab Seretelinin sərgisi açılıb
23.05.2019 09:29
Nizami Kino Mərkəzində “Mateo Falkone” filmi yenilənmiş versiyada təqdim edilib
23.05.2019 09:28
Əfsanəvi qarmon ifaçısına həsr olunmuş kitab təqdim edilib
22.05.2019 19:57
“Həyat gözəldir” adlı musiqili-ədəbi gecə təşkil olunub
22.05.2019 18:17
Prezident təqaüdü alan gənclərin iştirakı ilə konsert-festival keçirildi
22.05.2019 17:41
Azərbaycanın tarixi körpüsü bərpa olunur
22.05.2019 17:14
Mədəniyyət könüllülüyünə ADMİU-nun tələbələri də qoşulub
22.05.2019 13:57
Daşkənddə Mədəniyyət Mərkəzinin təşkilatçılığı ilə ulu öndər Heydər Əliyevin xatirəsinə həsr olunan konsert keçirilib
22.05.2019 09:43
“Bölgələrdən bölgələrə” yaradıcılıq festivalı Azərbaycanın şimal-qərb qapısı Balakəndə
21.05.2019 17:54
Azərbaycan Dövlət Uşaq Filarmoniyası binasının əsaslı təmir və yenidənqurmadan sonra açılışı oldu
21.05.2019 15:42
Bakıda ilk dəfə incəsənət əsərlərinin auksionu keçirildi
21.05.2019 15:40
Bolqarıstanlı mütəxəssis Xoreoqrafiya Akademiyasında ustad dərsləri keçib
21.05.2019 15:35
“Qartal yuvası” filminin təqdimatı keçirildi
21.05.2019 13:00
Xalça Muzeyində “Həyat gözəldir” adlı musiqili-ədəbi gecə təşkil ediləcək
21.05.2019 11:08
Qubada keçirilən “Oxu Bayramı” böyük maraqla qarşılanıb