Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
941

“Dilçilik elmində Afad Qurbanov irsi” kitabının təqdimatı keçirildi

Yanvarın 10-da M.F.Axundzadə adına Milli Kitabxanada filologiya elmləri doktoru, professor Sayalı Sadıqovanın “Dilçilik elmində Afad Qurbanov irsi” kitabının təqdimatı keçirildi.

Kitab görkəmli dilçi alim, türkoloq və ictimai xadim, müasir Azərbaycan əlifbasının müəllifi və onomastika elmi məktəbinin banisi, akademik Afad Qurbanovun (1929-2009) anadan olmasının 90 illiyinə həsr edilib.

AMEA-nın Nəsimi adına Dilçilik İnstitutu və Mədəniyyət Nazirliyinin birgə təşkilatçılığı ilə gerçəkləşən tədbirdə akademiyanın Dilçilik, Ədəbiyyat institutları, Dövlət Pedaqoji Universiteti, Bakı Slavyan Universiteti, Bakı Dövlət Universiteti, Azərbaycan Dillər Universiteti və digər elm, təhsil müəssisələrinin əməkdaşları iştirak edirdilər.

Əvvəlcə Afad Qurbanovun kitablarından ibarət sərgiyə baxış keçirildi. Sərgidə alimin Azərbaycan dilçiliyi, ümumi dilçilik və türkologiyaya dair dərslik və monoqrafiyaları, habelə barəsində yazılmış kitablar və müxtəlif vaxtlarda ona hədiyyə edilən nəşrlər nümayiş olunurdu.

Milli Kitabxananın direktoru, professor Kərim Tahirov tədbirdə çıxış edərək Afad Qurbanovun elmi axtarışlarından və insani keyfiyyətlərindən söz açdı: “Bu gün tanınmış bir insanın, həyatda gözəl iz qoyub gedən bir alimin işığına, eyni zamanda Afad Qurbanovun elmi yaradıcılığına işıq tutan bir kitabın təqdimatına toplanmışıq. İnsanı həyatda yaşadan onun özündən sonra qoyduğu izdir. Görkəmli alim onu həyatda yüz illərlə yaşadacaq bir irs yaradıb”.

Nəsimi adına Dilçilik İnstitutunun direktoru, akademik Möhsün Nağısoylu Afad Qurbanovun həyat və yaradıcılığından söz açdı. Onun geniş elmi yaradıcılığı ilə Azərbaycan dilçiliyinin inkişafında mühüm xidməti olduğunu qeyd etdi. Bildirdi ki, adı dilçi korifeylərlə bir sırada çəkilən, sovet və ölkəmizin müstəqillik dövründə türk və Avropa dilçiləri tərəfindən orijinal elmi konsepsiyalar müəllifi kimi rəğbətlə qəbul edilən Afad Qurbanov ömrünün 50 ilini Azərbaycan elminə, təhsilinə həsr edib. O, eyni zamanda fundamental əsərlər yaradan, alimliklə insanlığın vəhdətini özündə birləşdirən görkəmli türkoloqlarımızdan biri idi.

Azərbaycan Dövlət Pedaqoji Universitetinin prorektoru, professor Asəf Zamanov qeyd etdi ki, Afad Qurbanov bir çox ölkələrin linqvistik və onomastik elmi cəmiyyət və təşkilatlarının həqiqi və fəxri üzvü seçilmişdi. Azərbaycan onomastika məktəbi Afad Qurbanovun adı ilə bağlıdır. Hazırda dilçiliyin bu sahəsində alimin onlarla yetirməsi çalışır.

Kitabın müəllifi, Dilçilik İnstitutunun Terminologiya şöbəsinin müdiri və Terminologiya Komissiyasının sədr müavini, professor Sayalı Sadıqova nəşr haqqında məlumat verdi. Bildirdi ki, institutun Elmi şurasının qərarı ilə nəşr olunmuş monoqrafiyada Afad Qurbanovun çoxşaxəli elmi yaradıcılığından bəhs edilir.

Tədbirdə daha sonra AMEA-nın müxbir üzvü, tarixçi alim Vəli Əliyev, Dilçilik İnstitutunun əməkdaşı, professor İsmayıl Məmmədli, professor Nizami Xudiyev,  Xalq şairi Nəriman Həsənzadə, Pedaqoji Universitetin dekanı, professor Buludxan Xəlilov və başqaları çıxış edərək Afad Qurbanovun Azərbaycan elminə töhfələrindən söz açdılar, xatirələrini bölüşdülər.

Sonda alimin oğlu Ramin Qurbanov çıxış edərək tədbirin təşkilatçılarına və iştirakçılarına minnətdarlığını bildirdi.

XƏBƏRLƏR

24.06.2019 19:01
III Respublika Xalq Teatrları Festivalı başa çatdı
24.06.2019 17:01
Əməkdar rəssam Teymur Rzayevin 60 illik yubileyi qeyd olunacaq
24.06.2019 16:39
Mərkəzi Zabitlər Evində “Güclü dövlətin güclü ordusu olmalıdır” adlı sərgi-müsabiqənin finalı keçirilib
24.06.2019 15:54
“Qarabağ” muğam qrupu Belçikada silsilə konsertlərlə çıxış edib
24.06.2019 15:53
Tokioda növbəti dəfə səslənən Azərbaycan musiqisi nümunələri alqışlarla qarşılanıb
24.06.2019 15:50
İtaliyada keçirilən İkinci Azərbaycan Film Festivalı başa çatıb
24.06.2019 15:48
“Nəsimidən Füzuliyə - Azərbaycan klassik poeziyasının dahiləri” adlı şeir müsabiqəsi qaliblərinin adları açıqlanıb
24.06.2019 15:44
Xalq artisti Məlik Dadaşovun xatirəsi yad edilib
24.06.2019 15:00
Gəncədə Azərbaycan Bəstəkarlar İttifaqının 85 illiyi qeyd edilib
24.06.2019 14:22
YUNESKO-nun Dünya İrs Komitəsinin 43-cü sessiyası çərçivəsində “Dünya irsi. Gənc Peşəkarlar Forumu” işə başladı
24.06.2019 14:17
Nəsiminin 650 illik yubileyi ilə əlaqədar Sumqayıt Dövlət Dram Teatrında tədbir keçirilib
24.06.2019 11:58
YUĞ Teatrında İbsenin “Vahimə” əsəri tamaşaya qoyulub
24.06.2019 10:58
III Respublika Xalq Teatrları Festivalının final mərhələsi keçirilir
24.06.2019 10:13
“Sumqayıtda ədəbi həyat” adlı kitabının təqdimatı keçirilib
24.06.2019 09:48
UNESCO jurnalının “Dünya irsi Azərbaycanda” adlı xüsusi nömrəsi ölkəmizə həsr olunub
24.06.2019 09:45
Forum iştirakçılarının gəliş günü
22.06.2019 15:30
Masallıda “Vətənin müdafiəsinə hazıram!” devizi altında təntənəli tədbir keçirilib
21.06.2019 17:43
Moskvada Xalq rəssamı Tahir Salahovun sərgisi açılıb
21.06.2019 17:35
Minsk şəhərində “Azərbaycan Günü” təşkil olunmuşdur
21.06.2019 15:45
Əbülfəs Qarayev Balakənə səfəri çərçivəsində bir sıra mədəniyyət müəssisələrinə baxış keçirib
21.06.2019 14:42
Rusiyada təhsil alan azərbaycanlı tələbələrin ifasında “Qafqazsayağı təbaşir dairəsi” və “Ezop” tamaşaları nümayiş olunacaq
21.06.2019 14:33
“Muzey əşyalarının daimi mühafizə portalı”nın yenidən işlənilmiş proqram təminatının istifadə qaydalarına dair təqdimat – treninqin ilkin mərhələsi keçirildi
21.06.2019 14:30
Rizvan İsmayılın fərdi sərgisi keçiriləcək
21.06.2019 14:27
Gədəbəydə “Aşıq sənətinin fəlsəfəsi: müasirlik və ənənələr” mövzusunda elmi konfrans təşkil edilib