19.03.2018 02:23
Martın 16-da Nizami Kino Mərkəzində rejissor Mirsadıq Ağazadənin Cəfər Cabbarlı adına “Azərbaycanfilm” kinostudiyasında çəkdiyi “Eviniz abad” bədii filminin təqdimatı keçirilib.
Azərbaycan və Gürcüstan kinematoqrafçılarının iştirakı ilə istehsal edilmiş filmin ssenari müəllifləri İmir Məmmədli və Mirsadıq Ağazadə, quruluşçu operatorları Ruslan Ağazadə və Elxan Rüstəmov, quruluşçu rəssamı Əziz Məmmədov, bəstəkarı Rauf Əliyev, icraçı prodüserləri Azər Quliyev və Ülvi Qasımov, prodüseri Müşfiq Hətəmovdur.
Baş rollarda Sənan Əlləz, Nino İaşvili, rollarda Kamran Şahmərdan, Paata Quliaşvili, Zaza Asanişvili, Zaza Qobuadze, Giorgi Qoqişvili, Qorxmaz Əlicanzadə, Tariel Qasımov və başqaları çəkilib.