Hacıqabul rayon Heydər Əliyev Mərkəzində “Yarımçıq xatirələr” adlı film nümayiş olunmuşdur
11 oktyabr 2017-ci il tarixində Hacıqabul rayon Heydər Əliyev Mərkəzində "Azərbaycanda Milli Kino günü" ilə bağlı “Yarımçıq xatirələr” adlı film nümayiş olunmuşdur.
Heydər Əliyev Mərkəzində davamlı olaraq nümayiş olunan filmlərə bu dəfə 10 saylı tam orta məktəbin 8-ci sinif şagirdləri müəllim kollektivi ilə birgə seyr etməyə gəlmişdirlər. İlk öncə Mərkəzin bələdçisi Nurlanə Muradova şagirdləri sərgi və mərkəzdə fəaliyyət göstərən dərnəklərlə bağlı məlumatlandırmış və Heydər Əliyevin həyat və fəaliyyətini əks etdirən eksponatlarla tanış etmişdir.
Sonra Mərkəzin direktoru Aytən Zülfəliyeva gələn qonaqları Mərkəzin Kino zalında salamlamış və vətənpərvərlik mövzusunda olan “Yarımçıq xatirələr” adlı filmi seyr etməyə dəvət etmişdir. Film tamaşaçıların böyük marağına səbəb olmuşdur.