Martın 18-i Pirallahı Rayon İcra Hakimiyyətinin təşkilatçılığı, Bakı Şəhər Mədəniyyət Baş İdarəsinin dəstəyi ilə Pirallahı rayonunda yerləşən Vaqif Mustafazadə adına Mədəniyyət Mərkəzində “Novruz bayramı və Bahar fəslinin gəlişi” münasibətilə bayram şənliyi keçirilib.
İlk öncə Mədəniyyət Mərkəzinin həyətində Şirvan folklor qrupunun ifasında səslənən “Yallı” musiqisinin sədaları altında “Yallı” rəqsi nümayiş olunub.
Daha sonra Mədəniyyət Mərkəzinin foyesində 168,186, 231, 235, 243 saylı məktəblərin və “Bulaq”, “Cırtdan” bağçalarının hazırladıqları sərgilərə baxış keçirilib.
Tədbirin bədii hissəsi Mədəniyyət Mərkəzinin akt zalında davam edib. Konsertdə tanınmış müğənnilər Rüfət Axundov, Ziba Osmanlı, Əli Dünya, Kərim Kərimli, Zakir Abasəliyev, Zeynəb Məmmədli, “Qismət qrupunun solisti Tural Qismət, Türkanə Kərimova, “Şirvan” folklor qrupu, “Sevinc” ansamblı və həmin ansamblın solisti Qələm Qubadlı, söz ustası Sahib Kürdəxanlı, “Hind rəqsi” ilə rəqqasə Vəfa, 168 saylı məktəbin VIII sinif şagirdi Röya Pirmuradova çıxış ediblər. Tədbir tamaşaçıların gur alqışları ilə başa çatıb