Respublika Gənclər Kitabxanasında “Tarixi abidələrimizi qoruyaq” adı altında dəyirmi masa keçirilib
Cəfər Cabbarlı adına Respublika Gənclər Kitabxanasında “18 aprel -
Beynəlxalq Abidələr və Tarixi Yerlər Günü” münasibəti ilə dəyirmi masa keçirildi.Tədbiri Cəfər Cabbarlı adına Respublika Gənclər Kitabxanasının elmi işlər üzrə direktor müavini Xalidə Musayeva giriş sözü ilə açaraq, əsas məqsədi insanların diqqətini abidələrin və tarixi yerlərin qorunmasına yönəltməkdən ibarət olan bu günün Tarixi Yerlər və Abidələrin Mühafizəsi Şurasının təklifi üzrə YUNESKO tərəfindən 1983-cü ildə təsis olunduğunu bildirdi. Respublikamızın müxtəlif bölgələrində əsrlərlə mühafizə olunub bu günümüzün qiymətli incilərindən sayılan tarixi abidələr haqqında məlumat verdi.
Kitabxanın şöbə müdirləri Qənirə Mustafayeva, Yeganə Qarayeva və Tamella Məmmədova müvafiq olaraq, “Tarixi abidələr bizim milli sərvətimizdir” məruzəsi, Gəncə şəhəri, Ağdaş, Şuşa rayonlarının tarixi abidələri, qorunması, bərpası və “Bizim tarixi abidələr” mövzularında çıxışlar edərək öz fikirlərini bildiriblər.
Bakı Dövlət Universitetinin tələbəsi Leyla Zərbəliyeva XIII əsrdə inşa edilmiş Şəki Xan sarayının dünya əhəmiyyətli memarlıq abidəsi olması, hal-hazırda muzey kimi fəaliyyət göstərməsi mövzusunda çıxışından sonra bütün gəncləri tarixi abidələrimizi qorumağa səslədi.
Tədbirdə Bakı Dövlət Universitetinin, Azərbaycan Dövlət Mədəniyyət və İncəsənət Universitetinin tələbələri iştirak edirdilər.
Tədbirin sonunda “Tarixi abidələr, milli mədəniyyət” adlı kitab sərgisinə baxış keçirildi.