Sumqayıt Regional Mədəniyyət İdarəsinin tabe müəssisələrində “Novruz” şənlikləri təşkil olunub
Sumqayıt şəhər Bülbül adına Uşaq İncəsənət məktəbində “Novruz gəldi, yaz gəldi” adlı musiqili kompozisiya nümayiş olunub. Məktəbin şagirdləri şeirlər söyləyib, mahnılar oxuyub, sonra “Ümid” rəqs qrupu çıxış edib.
C.Cabbarlı adına adına Mədəniyyət evinin özfəaliyyət kollektivi 4 saylı körpələr evi uşaq bağçasında “Novruz gəlir, yaz gəlir” adlı bayram şənliyi təşkil edib. Tədbirdə “Turan” milli rəqs qrupunun ifasında rəngarəng rəqs nömrələri, eləcə də, “Novruz”un simvolları olan Bahar qızı, Kosa və Keçəlin çıxışları müəllim kollektivi və uşaqlar tərəfindən maraqla qarşılanıb.
Sumqayıt şəhər 4 saylı Diyarşünaslıq klubunun təşkilatçılığı ilə Sumqayıt şəhər Poeziya evində “Narbala” kukla teatrı “Cırtdan” tamaşası ilə uşaqların görüşünə gəlib.
Novruz tədbirləri həmçinin Sumqayıt şəhər Nizami Gəncəvi adına kitabxana klubda, Mərkəzi Uşaq Kitabxansında, Abşeron rayon Xırdalan şəhər 11 illik musiqi məktəbində də keçirilib