Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
753

Ümumdünya İrs Komitəsinin 43-cü sessiyası başa çatdı

İyulun 10-da UNESKO-nun Ümumdünya İrs Komitəsinin Bakıda keçirilən 43-cü sessiyasının sonuncu iclası keçirildi.

Sessiyanın sədri, Azərbaycan Respublikasının Mədəniyyət naziri Əbülfəs Qarayev giriş sözündə on gün ərzində Bakıda çox mühüm məsələlərin müzakirə edildiyini, vacib qərarların qəbul olunduğunu vurğuladı. Nazir gərgin çalışan sessiyanın katibliyinə minnətdarlığını bildirdi.

Sonra sessiyanın hesabatının qəbul edilməsinə dair qərar layihəsi oxundu və qəbul olundu.

Dünya İrs Mərkəzinin direktoru xanım Metxild Rossler sessiyanın hazırlanmasında, təşkilində, sənəd layihələrinin ərsəyə gətirilməsində zəhməti olan, müzakirələrdə iştirak edən hər kəsə minnətdarlığını bildirdi.

Norveç, Tunis, Anqola, Kuba, Burkina Faso, Qırğızıstan, İspaniya, Braziliya, Uqanda, İndoneziya, Macarıstan, Qvatemala, Bəhreyn, Avstraliya, Zimbabve nümayəndə heyətləri təşəkkür nitqi söylədilər. Çin nümayəndə heyəti isə öz minnətdarlıq çıxışını “2020-ci ildə Ümumdünya İrs Komitəsinin 44-cü sessiyasını qəbul edəcək Fuçjouya xoş gəlirsiniz!" çağırışı ilə bitirdi.

Sessiyanın sədri Əbülfəs Qarayev mötəbər tədbirin bağlanışı münasibətilə çıxışına bu sözlərlə başladı: “2013-cü ildə UNESCO-nun Qeyri-Maddi Mədəni İrs üzrə Hökumətlərarası Komitəsinin 8-ci sessiyası Bakıda keçirilən zaman son iclasda demişdim ki, heç vaxt indiki qədər minnətdarlıq, təşəkkür sözləri eşitməmişəm. Bu gün də həmin cümləni təkrar edə bilərəm. Bizim işimizə belə yüksək qiymət verdiyinizə, Azərbaycanın qonaqpərvərliyini dəyərləndirdiyinizə görə təşəkkür edirəm. Biz komitə, məşvərətçi qurumlarla birlikdə çalışdıq, bir il ərzində hazırlıq işləri görüldü və bunun nəticəsi olaraq 43-cü sessiya belə rəvan, şəffaf və qarşılıqlı etimad şəraitində keçdi. Bütün bunlar beynəlxalq ictimaiyyətin Ümumdünya İrs Komitəsinin fəaliyyətinə marağını göstərir. Sessiya günlərində Bakıda Gənc Peşəkarlar Forumu, Abidə Menecerləri Forumu da gerçəkləşdi”.

Əbülfəs Qarayev Azərbaycan Respublikasının Prezidenti, Birinci vitse-prezidenti, Azərbaycan hökuməti və öz adından UNESKO-nun baş direktoru Odre Arzuleyə, baş direktorun müavini Ernesto Ottone Ramirezə, Dünya İrs Mərkəzinin direktoru Metxild Rosslerə, eləcə də komitənin üzvlərinə və bütün qonaqlara minnətdarlığını bildirdi. Nazir həmçinin sessiyanın keçirildiyi Bakı Konqres Mərkəzinin kollektivinə, köməkçilərə, gənc könüllülərə, media işçilərinə təşəkkürünü ifadə etdi.

Sonda sessiya iştirakçıları xatirə şəkli çəkdirdilər.

XƏBƏRLƏR

17.10.2019 16:34
Ölkəmiz 71-ci Frankfurt Beynəlxalq Kitab Sərgisində təmsil olunur
17.10.2019 16:07
“Solistlər ansamblı”nın müasir musiqidən ibarət konserti maraqla qarşılanıb
17.10.2019 13:55
Finlandiya teatrının Bakı səhnəsində “Gediş”i
17.10.2019 12:33
M.A.P. festivalında “Universal hadisə”
17.10.2019 12:27
UNESKO-nun baş qərargahında Nəsiminin anadan olmasının 650 illiyi təntənəli şəkildə qeyd edilib
17.10.2019 11:45
Macarıstanda keçirilən tədbirdə Mərkəzi İncəsənət məktəbinin nümayəndə heyəti iştirak edib
17.10.2019 10:20
Respublika Uşaq Kitabxanasında “Türk birliyinə aparan yol” adlı tədbir keçirildi
17.10.2019 09:03
Tanınmış yazıçı-dramaturq və kinorejissor Əmir Pəhləvanın 60 illiyi qeyd olunub
16.10.2019 17:47
Azərbaycan Rəngkarlığı Muzeyində “Danışır Bakı: 1900-1940-cı illər” adlı sərgi açılıb
16.10.2019 15:49
Sumqayıt şəhər Heydər Əliyev Mərkəzində müsabiqə laureatları tətif edilib
16.10.2019 15:34
Abdulla Şaiqin xatirəsi anılıb
16.10.2019 14:20
Lənkəranda Respublika Folklor Festivalının seçim mərhələsi keçirildi
16.10.2019 09:59
Qazaxıstanın Mədəniyyət və Təhsil nazirləri ADMİU-da olub
16.10.2019 09:37
Qazaxıstanlı qonaqlar Bakı Xoreoqrafiya Akademiyasında olublar
16.10.2019 09:24
Bakıda Dağıstan poeziyasının görkəmli nümayəndəsi Stalskinin 150 illiyi qeyd olunub
16.10.2019 09:14
Nizami Kino Mərkəzində görkəmli şair Andrey Dementyevin xatirəsinə həsr edilmiş filmin təqdimatı olub
15.10.2019 18:48
Teatrımızın canlı ensiklopediyası İlham Rəhimlinin 70 illiyi qeyd olunub
15.10.2019 14:24
Beyləqanda Dərbənd Dram Teatrının tamaşası təqdim olunub
15.10.2019 09:07
Musiqili Teatrın yaradıcı kollektivi daha bir beynəlxalq festivalda iştirak edir
14.10.2019 16:21
Elmi-Metodiki və İxtisasartırma Mərkəzi yeni beynəlxalq metodiki vəsait hazırlayıb
14.10.2019 11:50
Milli Dram Teatrı “Ölülər”i növbəti dəfə təqdim edib
14.10.2019 11:39
Xalq şairi Süleyman Stalskinin 150 illiyinə həsr olunmuş təntənəli gecə keçiriləcəkdir
14.10.2019 09:17
Qubada keçirilən “Alma bayramı”nda 20 minə yaxın insan iştirak edib