Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
23.02.2018 18:02
Tərtər rayonunda “Xocalı harayı” adlı ədəbi bədii kompozisiya təqdim olunduSabirabad rayon Mədəniyyət Mərkəzinin nəzdində fəaliyyət göstərən A.İsgəndərov adına Xalq Teatrı və “Mübarizlər” əlillərdən ibarət teatr qrupu Xocalı faciəsinin 26-cı ildönümü ilə əlaqədar “Xocalı harayı” adlı ədəbi bədii kompozisiya ilə cəbhə bölgəsi olan Tərtər rayonunda yerli əhali və məktəblilər qarşısında çıxış etmişlər. Əsasən vətənpərvərlik mövzusunda olan kompozisiyanın quruluşçu rejissoru S.Əliyev,quruluşçu rəssamı isə F.Əsgərovdur. Kompozisiya mənfur ermənilərin xalqımızın başına gətirdiyi müsibətlər nəticəsində didərgin düşmüş soydaşlarımızın həyatından bəhs edir.Qeyd edək ki kollektiv tərəfindən təqdim olunan tamaşa yüksək qiymətləndirilmişdir. Teatr müxtəlif festivallarla yanaşı,tədbirlər planına əsasən Azərbaycanın işğaldan azad olunmuş kənd və qəsəbələrində repertuarında olan tamaşalarla çıxış edirlər.Kollektivin cəbhə bölgələrində silsilə tədbirləri davam edir. ..
23.02.2018 15:47
Ağstafa Dövlət Rəsm Qalereyasında “Xocalı faciəsini unutmayaq!”adlı rəsm sərgisi təşkili edildiAğstafa Regional Mədəniyyət və Turizm İdarəsinin təşkilatçılığı ilə Ağstafa Dövlət Rəsm Qalereyasında “Xocalı faciəsini unutmayaq!” adlı rəsm sərgisi təşkil edildi. Tədbirdə Mədəniyyət işçiləri, həvəskar rəssamlar və 2 nömrəli orta məktəbin şagirdləri iştirak etdilər. Tədbiri giriş sözü ilə İdarənin rəisi Ramiz Quliyev açaraq 26 fevral 1992-ci ildə Xocalıda baş vermiş qətliamdan danışdı və bildirdi ki, uşaqlar Xocalı faciəsini öz gözləri ilə görmədiklərinə baxmayaraq çəkdikləri rəsmlərdə faciəni canlandıra biliblər. Rəsmlərdə düşmənlərə nifrət və Xocalıya ədalət çox canlı şəkildə əks olunub. Daha sonra uşaqların çəkdikləri rəsm əsərlərinə baxış keçirildi. ..
22.02.2018 17:49
Ağstafa rayon Heydər Əliyev Mərkəzində Xocalı faciəsinin 26-cı ildönümü ilə əlaqədar “Xocalı yarası axan qanımız” adlı tədbir keçirildiAğstafa Regional Mədəniyyət və Turizm İdarəsinin təşkilatçılığı ilə 22 fevral 2018-ci il tarixdə Ağstafa rayon Heydər Əliyev Mərkəzinin kiçik zalında Xocalı faciəsinin 26-cı ildönümü ilə əlaqədar “Xocalı yarası axan qanımız” adlı tədbir keçirildi. Tədbirdə Ağstafa rayon mədəniyyət işçiləri iştirak edirdilər. Heydər Əliyev Mərkəzinin direktoru Ləman Cəlilova tədbiri açıq elan edərək, 26 il öncə ermənilərin Xocalı şəhərində törətdiyi vəhşiliklər, cinayət və erməni vandalizmi haqqında geniş məlumat verdi. Sonra Heydər Əliyev Mərkəzinin bələdçisi Musayeva Zülfiyyə, İsgəndərova Lamiyə çıxış etdilər. Ağstafa şəhər 2 saylı tam orta məktəbin şagirdləri- Cəlilova Rahilə, Əhmədova Nuray və Nuriyeva Nəzrin şeir parçaları ilə çıxış etdilər. Tədbirin sonunda Xocalı həqiqətlərini əks etdirən film nümayiş olundu. Həmçinin Mərkəzin foye hissəsində  Xocalı faciəsinə həsr olunmuş kitab sərgisi və “Xocalı faciəsi uşaqların gözü ilə” adlı məktəblilərin əl işlərindən ibarət rəsm sərgisi təşkil olunmuşdur.   ..
22.02.2018 12:44
Qazax rayon Elmar Hüseynov adına Mərkəzi kitabxanada “Talan olan Xocalı” adlı video - çarx nümayiş olunub21 fevral 2018-ci il tarixdə E. Hüseynov adına Mərkəzi Kitabxanada Xocalı soyqırımının 26- cı  ildönümünə həsr olunmuş “Talan oldu Xocalı” adlı video - çarx nümayiş olunub. Xocalı qurbanlarının xatirəsi bir dəqiqəlik sükutla yad edilib. Fəal oxucuların və mədəniyyət işçilərinin iştirak etdiyi tədbiri sonra MKS-nin direktoru Solmaz Babanlı açaraq qeyd edib ki, bəşər tarixində ən dəhşətli hadisələrdən biri olan Xocalı Soyqırımından 26 il ötür. Dinc əhalinin qəddarcasına qətlə yetirildiyi bu hadisə Azərbaycan xalqına qarşı törədilən misli görünməmiş bir soyqırımdır. Əyani təbliğatın ən təsirli vasitəsi olan film nümayişi Xocalı hadisələrinin oxucuların yaddaşında əbədi yaşayacağına müsbət təsirini göstərir. Qazax rayon E. Hüseynov adına Mərkəzi kitabxananın Uşaq şöbəsi Xocalı soyqırımı gününə həsr olunmuş “Azərbaycana qarşı erməni qətliamı” adlı ədəbi kompozisiya, şəhər 1 saylı kitabxana filialı “Ürəklərdə yanan Xocalı” adlı söhbət  keçirib. ..
22.02.2018 12:43
Zaqatala rayon Heydər Əliyev Mərkəzində “Nəsimi poeziyası” adlı bədii qiraət müsabiqəsi keçirilmişdir21 fevral 2018-ci il tarixində Zaqatala rayon Heydər Əliyev Mərkəzində Heydər Əliyev Mərkəzinin və rayon mərkəzi kitabxanasının birgə təşkilatçılığı ilə “Nəsimi poeziyası” adlı qiraət müsabiqəsinin I turu keçirildi. Öz yaradıcılığında Azərbaycan xalqının arzu və istəklərini, ümumbəşəri dəyərləri, insanın fövqəlbəşəri varlıq olmasını tərənnüm edən Nəsimi istedadının miqyası o qədər geniş idi ki, o, yaradıcılığı ilə yalnız Azərbaycan xalqına məxsus deyildi. Nəsimi də öz yaradıcılığı ilə bütün bəşəriyyəti ifadə edib. Şair və mütəfəkkir İmadəddin Nəsiminin vəfatının 600-cü ildönümünün qeyd edilməsi üçün Azərbaycan Prezidenti İlham Əliyev tərəfindən müvafiq Sərəncamın verilməsi bu gün ölkəmizdə şairə verilən yüksək dəyərin göstəricisidir. Sərəncamın icrası ilə əlaqədar olaraq Azərbaycan Respublikası Mədəniyyət və Turizm Nazirliyinin təşkilatçılığı ilə şəhər (rayon) mərkəzi kitabxanalarında ədəbi dilimizin formalaşmasında mühüm rol oynamış  şairin yaradıcılığına həsr olunan respublika üzrə məktəblilər arasında “Nəsimi poeziyası” adlı bədii qiraət müsabiqəsi keçirilməsi nəzərdə tutulmuşdur. Bu müsabiqənin Zaqatala rayon MKS-i tərəfindən də keçirilməsi planlaşdırılmış və üç turdan ibarət olan müsabiqənin birinci turu 2018-ci il 21 fevral tarixində, saat 1100-da baş tutmuşdur. Ayrı-ayrı kəndlərdən, təhsil müəssisələrindən müsabiqədə iştirak edənlərin sayı 60 nəfər idi. Iştirakçılar ədibin yaradıcılığından müxtəlif qəzəllər, qəsidələr ifa etdilər. Müsabiqədə fərqlənənlərin mükafatlandırılması və qalibin açıqlanması 2018-ci il 6 mart  tarixinə müəyyənləşdirilmişdir. ..
21.02.2018 15:49
Qazaxda “Nəsimi poeziyası” adlı bədii qiraət müsabiqəsi keçirilib20 fevral 2018-ci il tarixdə E. Hüseynov adına Mərkəzi Kitabxanasının oxu zalında ədəbi dilimizin formalaşmasında mühüm rol oynamış Azərbaycanın böyük mütəfəkkiri və şairi İmadəddin Nəsiminin yaradıclığına həsr olunmuş “Nəsimi poeziyası” adlı bədii qiraət müsabiqəsi keçrilib.  Tədbiri giriş sözü ilə açan MKS-nin direktoru Solmaz Babanlı görkəmli Azərbaycan şairi İmadəddin Nəsiminin həyat və yaradıcılığı haqqında qısa məlumat verib. Rayonunun şəhər və kənd məktəblərinin şagirdlərinin və fəal oxucuların iştirak etdiyi müsabiqənin 1-ci turunun ilk mərhələsini 5 nəfərdən ibarət münsiflər heyəti müşahidə edib. Yüksək səviyyədə və obyektiv formada həyata keçirilən müsabiqədə 24 nəfər iştirakçıdan Qazax Sosial- İqtisadi Kollecin tələbələri Qarasaqqalova İlkanə,  şəhər 4 saylı tam orta məktəbin 9-cu sinif şagirdi Məmmədova Nuray,  Hacıyev Süleyman, Ürməzli kənd məktəbinin 6-cı sinif şagirdi Vədəlova Aysel münsiflərin rəyinə əsasən ikinci mərhələyə seçiliblər. ..
21.02.2018 12:26
Sumqayıt şəhər Poeziya evində millət vəkili Flora Qasımova ilə görüş keçirilibSumqayıt şəhər Poeziya evində Sumqayıt Regional Mədəniyyət və Turizm İdarəsinin dəstəyi, Əli Kərim adına Poeziya Klubunun təşkilatçılığı, Azərbaycanın Milli Qəhrəmanı Şirin Mirzəyevin xanımı, millət vəkili Flora Qasımovanın iştirakı ilə “Gənclərə həyat dərsi” adlı tədbir keçirilib. Tədbiri giriş sözü ilə açan Poeziya Evinin direktoru, şair İbrahim İlyaslı tədbir iştirakçılarına Flora Qasımovanın ömür yolu və ictimai-siyasi fəaliyyəti ilə bağlı geniş məlumat verib. O, çıxışında hörmətli millət vəkilinin ömür yolunu müasir gənclərə örnək olacaq bir ömür yolu adlandırıb. Sonra çıxış üçün söz alan Sumqayıt Regional Mədəniyyət və Turizm İdarəsinin məsləhətçisi, şəhid anası Ceyran Axundova hörmətli qonağı və tədbir iştirakçılarını idarə rəhbərliyi adından salamlayıb və bu cür tədbirlərin aktuallığından danışıb. Öz ömür yolundan söz açan millət vəkili Flora Qasımova eyni zamanda ölkəmizdəki mövcud ictimai-siyasi duruma münasibətini bildirib, parlamentdəki fəaliyyətindən danışıb və ölkəmizin tərəqqisində gənc nəslin  rolundan bəhs edib. Sumqayıt Regional Mədəniyyət və Turizm idarəsinin məsləhətçiləri Eldar Hüseynov və Bayram Cəfərli, şair Əvəz Mahmud Lələdağ, Qarabağ Müharibəsi Veteranları, Əlilləri və Şəhid Ailələri İctimai Birliyinin sədri Tərlan Hacızadə və başqaları çıxış edərək gənclər arasında hərbi vətənpərvərlik ruhunun yaksəldilməsinin hər zaman prioritet məsələ olduğunu xüsusi qeyd ediblər. Tədbirdə gənc xanəndə Tural Salmanovun ifasında muğam parçaları dinlənilib. Tədbirin sonunda millət vəkili Flora Qasımova  gənclərin suallarını cavablandırıb və tədbirin təşkilatçılarına öz təşəkkürünü bildirib. ..
19.02.2018 16:10
Şəkidə Bəxtiyar Vahabzadənin vəfatının 9-cu ildönümü ilə əlaqədar “Hara gedir sabahımız” adlı dəyirmi masa keçirildi  Azərbaycan Xalq şairi, dramaturqu, filologiya elmləri doktoru, professor, Azərbaycan MEA-nın həqiqi üzvü, Azərbaycanın Əməkdar İncəsənət Xadimi, Azərbaycan Dövlət mükafatı laureatı Bəxtiyar Vahabzadənin vəfatının 9-cu ildönümü ilə əlaqədar “Hara gedir sabahımız” adlı dəyirmi masa keçirildi. Tədbir iştirakçıları əvvəlcə Bəxtiyar Vahabzadənin adını daşıyan “Bəxtiyar meydanı”ndakı büstü önünə gül dəstələri qoydular. Sonra tədbir mərkəzi kitabxananın oxu zalında davam etdirildi. Tədbiri giriş sözü ilə Bəxtiyar Vahabzadənin ev muzeyinin direktoru Elşən Zəkəryəbəyli açdı. O, Vahabzadə muzeyinin onun evində açılması və həmin muzeydə böyük şairin irsini təbliğ etməsi ilə fəxr etdiyini söylədi. Sonra Nakam adına mərkəzi kitabxananın Xidmət və abonement şöbəsinin abonement bölmə müdiri D.Yaqubova B.Vahabzadənin Şəki, Azərbaycan və Türk dünyası üçün kim olduğu, onun yaradıcılığının oxucular tərəfindən sevilərək oxunduğu, kitabxanada onun əsərlərinin külliyatının olduğunu və youtube səhifələrində onun öz səsində və müxtəlif  səsli şeirlərinin olduğu haqqında məlumat verdi. Sonra kitabxananın direktor müavini R.Əhmədova və Metodika və biblioqrafiya şöbəsinin müdiri Z.Nəsrullayeva B.Vahabzadənin vəfatının Azərbaycan ədəbiyyatına böyük itki olduğunu qeyd etdilər. Onu da qeyd etdilər ki, onun bu günə qədər yazdıqları illər ötsə də öz aktuallığını itirməyəcək. O, min il bundan əvvəlin və min il bundan sonranın şairidir. Tədbir “Türk dünyasının Bəxtiyarı” adlı sərgiyə baxışla yekunlaşdı.   ..
19.02.2018 16:06
"Misir dunya uşaqların gözü ilə" adlı beynəlxalq rəsm müsabiqəsində ölkəmizi təmsil edən şagirdlər mükafata layiq görüldüSumqayıt Regional Mədəniyyət və Turizm idarəsinin Abşeron rayon Saray qəsəbə Uşaq  İncəsənət Məktəbinin Təsviri İncəsənət şöbəsinin şagirdləri “Misir dunya uşaqların gözü ilə“ adlı Beynəlxalq rəsm müsabiqəsinə qatılıblar. Belə ki, Misir Ərəb Respublikasında ənənəvi olaraq hər il “Misir dunya uşaqların gözü ilə“ adlı Beynəlxalq rəsm müsabiqəsi keçirilir. Sonuncu müsabiqəyə dunyanın 140 ölkəsindən minlərlə iş göndərilib. Azərbaycan Respublikasını bu müsabiqədə Abşeron, Quba, Şamaxı, Lənkaran və İsmayıllı rayonlarının uşaq incəsənət məktəblərinin şagirdləri təmsil ediblər. Ölkəmizi təmsil edən şagirdlərin 19 nəfəri 19 müxtəlif nominasiyalardan, 3 qızıl medal , 4 gümüş medal və 12 sertifikata layiq görülüblər. Abşeron rayon Saray qəsəbə Uşaq  İncəsənət Məktəbinin Təsviri İncəsənət şöbəsinin şagirdləri:  Hüseynova Mələk Kənan qızı və Qurbanov Arif Ceyhun oğlu (Qızıl medal);  Şaxiyev Rəşid İlqar oğlu və Bəhrəmova Gülinə Məhərrəm qızı (Gümüş medal);  Yaqubov Rəşad Yaşar oğlu,  Nəzərova Tutu Seymur qızı, Əliyeva Fatimə Həmid qızı və Camalzadə Nihad Vüqar oğlu  sertifikata layiq görülüblər. Təltif edilmə mərasimi Misir səfirliyinin mədəniyyət mərkəzində keçirilib. ..