Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
22.05.2018 18:22
Abşeron rayon Xırdalan şəhər 11 illik musiqi məktəbinin kollektivinin uğurlu çıxışları davam edirSumqayıt Regional Mədəniyyət idarəsinin Abşeron rayon Xırdalan şəhər 11 illik musiqi məktəbinin kollektivi, məktəbin direktoru əməkdar müəllim İkram Manafovun rəhbərliyi altında 23-26 may 2018-ci il tarixində Gürcüstandakı M.F.Axundzadə adına Azərbaycan Mədəniyyəti Muzeyi və Mərkəzinin dəvəti, Azərbaycan Respublikası Mədəniyyət Nazirliyinin maliyyə dəstəyi ilə, Azərbaycan Xalq Cümhuriyyətinin və Gürcüstan Respublikasının yaranmasının 100 illik yubileyləri, Azərbaycan xalqının ümummilli lideri Heydər Əliyevin anadan olmasının 95-ci ildönümü münasibəti ilə Gürcüstanda keçiriləcək tədbirlərdə iştirak edərək, konsert proqramları ilə çıxış edəcək. Qeyd edək ki, məktəb kollektivi Türkiyə Respublikasına səfərdən yeni qayıdıb. Belə ki, Azərbaycan Respublikasının Diasporla iş üzrə Dövlət Komitəsi ilə Türkiyə Cümhuriyyəti İstanbul ili Maltepe Bələdiyyəsinin birgə layihəsi üzrə İstanbulda Azərbaycan Xalq Cümhuriyyətinin 100 illik yubileyi və Azərbaycan xalqının ümummilli lideri Heydər Əliyevin anadan olmasının 95-ci ildönümü qeyd edilib. Türkiyə hökumət nümayəndələrinin, Azərbaycan Respublikasının Diasporla iş üzrə Dövlət Komitəsi sədrinin müavini Valeh Hacıyev, Azərbaycanın Türkiyədəki səfiri Xəzər İbrahim, Azərbaycanın millət vəkilləri Nizami Cəfərov, Musa Qasımlı, Türkiyədə çalışan azərbaycanlı sənətçilərin, Azərbaycan Respublikasının Mədəniyyət Nazirliyinin razılığı əsasında Abşeron rayon Xırdalan şəhər 11 illik musiqi məktəbi kollektivinin qatıldıqları tədbirlər çərçivəsində, “Azərbaycan Xalq Cümhuriyyəti 100 il” parkı açılıb, azərbaycanlı rəssamların əsərlərindən təşkil olunan sərgi nümayiş edilib, konfranslar keçirilib. Yüksək səviyyədə təşkil olunmuş tədbirlərdə fəal iştirakçılar xüsusi qeyd edilib, Abşeron rayon Xırdalan şəhər 11 illik musiqi məktəbinin direktoru, əməkdar müəllim İkram Manafova Azərbaycan Respublikasının Diasporla iş üzrə Dövlət Komitəsi və Türkiyə Cümhuriyyəti İstanbul ili Maltepe Bələdiyyəsi tərəfindən “Onur plaketi” təqdim edilib. ..
22.05.2018 18:19
Qazax rayon Mərkəzləşdirilmiş Kitabxana Sisteminin təşkilatçılığı ilə Yuxarı Salahlı kənd 1 və 2 saylı kitabxana filialları “Açıq kitabxana” layihəsi çərçivəsində kitab sərgisi təşkil edib21 may 2018-ci il tarixdə Yuxarı Salahlı kənd 1 və 2 saylı kitabxana filialları  “Açıq kitabxana” layihəsi çərçivəsində kitabxanın qarşısında kitab sərgisi təşkil edib. Tədbirin əsas məqsədi kitabxanalara yeni oxucu cəlb etmək, insanların mütaliəyə marağını artırmaqdır. “Açıq kitabxana“ adlanan layihəyə əsasən kitabxanadakı müxtəlif mövzulu nəşrlər sərgilənib. Böyük maraqla qarşılanan tədbirdə “Tarixin Azərbaycanlı Dahisi“,  “Azərbaycan tarixi“, “Uşaq ədəbiyyatı“, “Yeni kitablar“, “2018-ci il Azərbaycan Xalq Cumhuriyyəti İli“, “Şəhidlər ölməz, vətən bölünməz“adlı sərgilərdə  tariximizə və vətənpərvərliyə dair kitablar nümayiş olunub. Oxuculara açıq havada kitabları oxumaq və kitabxanaya üzv yazılaraq nəşrləri əldə etmək imkanı yaradılıb. İştirakçılar tədbir barədə fikirlərini bildirərək vurğulayıblar ki, “Mütaliə hər bir insanın həyatında önəmli yer tutur, onun dünyagörüşünün formalaşmasında, peşə vərdişlərinin əldə olunmasında böyük rol oynayır. Bu baxımdan tədbir olduqca maraqlıdır.” 1 saylı kitabxana filialın müdiri Tamam Cəfərova çıxış edərək, müasir dövrdə gənclərin mütaliədən və kitabdan uzaq düşməməsi üçün kitabxanaların daha məsuliyyətlə işləməsinə və oxucu sayının artmasına stimul verən, belə tədbirlərin tez-tez keçirilməsinin vacibliyini qeyd edib. Tədbir zamanı kitabxanaya xeyli sayda yeni oxucular  üzv yazılıb. Fəal oxucular Ulu Öndərə, Vətənə, Şəhidlərə həsr olunmuş şeirlər söyləyiblər. ..
21.05.2018 17:57
Sumqayıt Regional Mədəniyyət idarəsinin şəbəkəsinə daxil olan uşaq incəsənət və musiqi məktəblərində silsilə tədbirlər keçirilibAbşeron rayon Ceyranbatan qəsəbə uşaq incəsənət məktəbinin kollektivi Sumqayıt şəhər Bülbül adına uşaq incəsənət məktəbində konsert proqramı ilə çıxış edib. Azərbaycan Xalq Cümhuriyyətinin 100 illiyi münasibətilə keçirilən konsertdə Azərbaycan və xarici ölkə bəstəkarlarının əsərləri ifa olunub. Məktəbin müəllimlər ansamblı, şagirdlərdən ibarət nağaraçalanlar ansamblının və xor kollektivinin ifası,  Qarabağ şikəstəsi, eləcə də, F.Əmirov (Prelüd №2), T.Quliyev (Rəqs), M.Heydərqızı (İlk beşiyim), Ə.Məmmədov (Mənim Azərbaycanım), A.Gəray (Şahnazsayağı), A.Səmədzadə (Azərbaycan), İ.Abdullayev (Payız), P.Bülbüloğlunun (Zəng et), İ.S.Bax (Zarafat), D.Kramer (Rəqs edən skripkaçı), Qranados (Pyes), Şopenin (Vals), əsərləri, tədbir iştirakçlları tərəfindən maraqla dinlənilib. Tədbirdə Sumqayıt Regional Mədəniyyət İdarəsinin rəisi Mehman Şükürov çıxış edərək artıq  Azərbaycan Xalq Cümhuriyyətinin 100 illiyi ilə bağlı keçiriləcək tədbirlərə start verildiyini, şəhərimizdə geniş konsert proqramının təşkil olunacağını bildirib. İdarə rəisi regional tədbirlər çərçivəsində keçiriən konsertlərin birgə fəaliyyətdə mühüm əhəmiyyət kəsb etdiyini bildirib. Sumqayıt şəhər S.Rüstəmov adına Uşaq İncəsənət Məktəbində xor siniflərinin konserti keçirilib. Konsertdə məktəbin böyük xorunun ifasında Ü.Hacıbəyovun “Azərbaycan Dövlət Himni”, S.Kəriminin “Azərbaycan uşaqlarının himni”, N.Mirməmmədlinin “Salam III era” (dirijor Könül Mütəllimova), məktəbin kiçik xorunun ifasında R.Şəfəqin “Doğma Vətən”, O.Zülfüqarovun “Təndir çörəyi” (dirijor Yeganə Rəhimova), Ə.Sadıqovun  “İlhamlı səhərlərim”, S.Ağayevanın “Əziz müəllimim” (dirijor Nuranə Əhmədova), C.Zülfüqarovun “Vətən hissi”, A.Dadaşovun “Ana torpaq” (dirijor Sevinc Muradova) və məktəbin şagirdlərdən ibarət xaq çalğı alətlərinin ansamblının ifasında “Heyratı” ritmik müğamı (ifaçılar: Əliyeva Rövşanə, Ağayev Rəvan və Nuruşov Namiq) dinlənilib. Konsertin sonunda Sumqayıt Regional Mədəniyyət İdarəsinin rəisi Mehman Şükürov çıxış edərək iştirakçıları təbrik edib və fəqrənən müəllim və şagirdləri Fəxri Fərmanla tətif edib. Q.Qarayev adına Uşaq Musiqi məktəbinin fortepano şöbəsinin şagirdləri Sumqayıt şəhər Musiqi kollcində konsert proqramı ilə çıxış edib. Konsertdə Esmira Əliyeva, Tamilla Qasımova, Sevda Məcidova, Təranə Kərimova, İradə Bədəlova, Sevda Ələkbərli, Lalə Qocayevanın şagirdləri Azərbaycan, rus və avropa bəstəkarlarının əsərlərini müvəffəqiyyətlə ifa ediblər.Konsertin sonunda Musiqi kollecinin fortepiano şöbəsinin müdiri Təranə Əliyeva çıxış edərək ifaçılara və onların müəllimlərinə minnətdarlığını bildirib və bu konsertlərin davamlı olmasını arzulayıb. Q.Qarayev adına uşaq misiq məktəbində daha bir tədbir Hacı Xanməmmədovun 100 illik yubileyi münasibətilə keçirilib. Tədbirdə məktəbin müəllim kollektivi və şagirdlərinin ifasında bəstəkarın əsərləri ifa olunub. ..
21.05.2018 17:45
Bərdə rayon Səməd Vurğun adına Mərkəzi kitabxanada “Demokratik dəyərlərə yiyələnək, hüquqlarımızı qoruyaq” adı altında dəyirmi masa təşkil edilibTədbirdə rayon gəcləri, ziyalılar və kitabxananın fəal oxucuları iştirak edib. Tədbiri oxuculara xidmət şöbəsinin müdiri Almaz Zülfüqarova açaraq bildirib ki, Azərbaycan Respublikasının İnsan Hüquqları üzrə müvəkkili Elmira Süleymanovanın təşəbbüsü ilə hər il mayın 18-dən iyunun 18 dək respublikamızda “İnsan Hüquqları Aylığı” keçirilir.  Bəşər sivilizasiyasının ən müdrik kəşflərindən sayılan insan hüquqları dünyada hamının anladığı və ya anlamalı olduğu əvəzsiz nailiyyətdir. Çünki  istənilən cəmiyyətin və dövlətin inkişafı demokratiyanın ali prinsiplərindən biri sayılan insan hüquqlarına hörmət olmadan, insan hüquqlarının nə olduğunu dərk etmədən mümkün deyil. Çıxış edənlərdən Bərdə rayon 2 nömrəli şəhər kitabxana fililalının müdiri Xədicə Məmmədova qeyd edib ki, Azərbaycan Respublikası da dünya birliyinin üzvü kimi demokratik, hüquqi inkişaf yolunu seçib. Odur ki, respublikamızda insan hüquqlarının demokratik dəyərlər çərçivəsində təmini bu sahədə dövlət siyasətinin əsas istiqamətlərindən biri hesab olunur. Biz təbliğat müəssisəsi olaraq əhali arasında dövlətimizin insan haqlarının müdafiəsinə həsr edilmiş qərar və göstərişlərin, qanunların təbliği məqsədilə tədbir hazırlayıb keçirir, maarifləndirilmə işi aparırıq. Fəal oxucu Nəsibov Nihat,  Əbdüləliyev Emin və digərləritədbirin təşkilinə görə öz minnətdarlıqlarını bildiriblər və qeyd ediblər ki, hər bir gənc öz hüququnu bilməli və hüquqlar qarasında borcunu yerinə yetirməlidir. O cümlədən vurğulanıb ki, - insan hüquqları insanın təbiətinə məxsus olan hüquqlardır və onlara hörmət olunması,riayət edilməsi və müdafiəsi dövlətin ən ali vəzifəsidir ki, bu işi də dövlətimiz həm milli, həm də beynəlxalq hüquqlara əsəslanaraq çox ciddi şəkildə həyata keçirir. Tədbir iştirakçıları sonda kitabxanada təşkil olunmuş “Biz hüquqlarımızı bilirikmi?” adlı sərgi ilə tanış olublar. ..
18.05.2018 18:29
“Kitab işıq dolu bir laləzardır, Kitab olan yerde işıqda vardır” adlı Kitab bayramı keçirildi17 May 2018-ci il tarixdə Şabran rayon Mərkəzi Kitabxanada Ümummilli lider Heydər Əliyevin anadan olmasının 95 illiyi münasibətilə “Kitab işıq dolu bir laləzardır, Kitab olan yerde işıqda vardır” adlı Kitab bayramı keçirildi. Tədbirdə rayon ziyalıları “Şabran ədəbi məclisinin üzvləri”, Siyəzən MKS-inin direktoru Şəfiqə Arzudovum, işçiləri və digər qonaqlar iştirak etdilər. Aparıcı gələn qonaqları salamladı və tədbiri açıq elan etdi. Tədbirdə rayonun həvəskar aktyorlarının ifasında səhnələşdirilmiş Nizami Gəncəvi və oglanın dialoqu Səməd Vurğunun “Xosrov və Şirin ” əsərindən bir parça ifa olundu. Şabran rayon Məmmədağa Nəzirov adına 4 №li tam orta məktəbin şagirdlərinin və 1 №li uşaq bağçasının balaca fidanlarının ifasında bir – birindən maraqlı çıxışlar alqışlarla qarşılandı. Şabran rayon Mədəniyyət Sarayının musiqi kollektivinin rəngarəng musiqi nömrələri tədbiri daha da maraqlı etdı. Qonaqlardan Şabran rayon İcra Hakimiyyətinin nümayəndəsi Daşqın Məmmədov, Siyəzən MKS-inin direktoru Şəfiqə Arzudovum çıxış etdilər. “Şabran ədəbi məclisinin üzvləri” Zakir Bayramlı, Əmircan Şabranlı öz yeni şeirlərini söylədilər. ..
18.05.2018 17:30
Sumqayıt Regional Mədəniyyət idarəsinin dəstəyi ilə Qobustan Dövlət Tarixi-bədii qoruğuna səyahət təşkil edilibSumqayıt Regional Mədəniyyət idarəsinin dəstəyi, Sumqayıt şəhər Diyarşünaslıq klubu və S.Vurğun adına Mərkəzi kitabxananın uşaq şöbəsinin birgə təşəbbüsü ilə Qobustan Dövlət Tarixi-bədii qoruğuna səyahət təşkil edilib. 18 may muzeylər günü münasibətilə təşkil olunan səyahətdə Sumqayıt şəhər Diyarşünaslıq klubunun dərnək və kurs üzvləri və S.Vurğun adına Mərkəzi kitabxananın uşaq şöbəsində faəliiyət göstərən Sabir Sarvan adına uşaq poeziya klubunun üzvləri iştirak ediblər. Səyahət zamanı ziyarətçilər qoruqda yerləşən Mezolit (orta daş dövrü) abidələri,  Qobustan muzeyi, Böyükdaş dağının yuxarı səkisində “Ana zağa”, “Öküzlər”, “Ovçular” və s. mağaralar, müxtəlif dövrlərə aid petroqliflərlə tanış olublar. Eləcə də bələdçilər tərəfindən ziyarətçilərə  muzey binasında qayaüstü təsvirlər, Qobustan abidələri, arxeoloji eksponatlar, qavaldaş, su çuxurları haqqında geniş məlumat verilib. Həmçinin ziyarətçilər Roma yazısı, tunc dövrü abidəsi və “Dairə” yaşayış yeri haqqında da məlumatlanıblar. Qeyd edək ki, səyahətin təşkil olunmasında məqsəd gənclərin və uşaqların diqqətini abidələrin və tarixi yerlərin təbliğinə və qorunmasına yönəltməkdir. ..
18.05.2018 08:55
Musiqili Teatr Sumqayıtda çıxış edibAzərbaycan Dövlət Musiqili Teatrının kollektivi mayın 16-da “Sərhədsiz teatr” III Şəki Beynəlxalq Teatr Festivalı çərçivəsində Sumqayıt Dövlət Dram Teatrının səhnəsində teatrsevərlərə məşhur özbək yazıçısı İbrahim Sadıqovun “Molla Nəsrəddinin beş arvadı“ iki hissəli komediyasını təqdim edib. Tamaşadan öncə Sumqayıt Dövlət Dram Teatrının baş rejissoru, Azərbaycan Respublikasının əməkdar artisti Firudin Məhərrəmov çıxış edərək Respublika Mədəniyyət Nazirliyi, Şəki Şəhər İcra Hakimiyyəti və Azərbaycan Teatr Xadimləri İttifaqının birgə təşkilatçılığı ilə keçirilən festivalın Ümummilli Lider Heydər Əliyevin anadan olmasının 95, Azərbaycan Xalq Cümhuriyyətinin yaradılmasının 100 və Azərbaycan milli peşəkar teatrının 145 illiyinə həsr oluduğunu diqqətə çatdırıb.  F. Məhərrəmov mayın 19-dək davam edəcək festivalda ölkəmizlə yanaşı, İran, Gürcüstan, Meksika, Kolumbiya və Rusiyanın tanınmış teatr kollektivlərinin də iştirakını və bu cür beynəlxalq tədbirlərin mədəniyyətlərin yaxınlaşmasına, teatr kollektivləri arasında işgüzar əlaqələrin qurulmasına xidmət etdiyini vurğulayıb. Rejissor, Əməkdar incəsənət xadimi Əsgər Əsgərovun quruluşunda təqdim edilən bu dinamik hadisələr, gözlənilməz və qəhqəhə dolu situasiyalarla zəngin “Molla Nəsrəddinin beş arvadı” tamaşası Sumqayıt teatrsevərləri tərəfindən sürəkli alqışlarla qarşılanıb. Quruluşçu-rəssamı Nabat Səmədova, quruluşçu-baletmeysterləri Əməkdar artist Zakir Ağayev və Yelena Ağayeva olan bu məzmunlu səhnə əsərində rolları Respublikanın Əməkdar artistləri Əkbər Əlizadə, Nahidə Orucova, aktyorlar Gülnarə Abdullayeva, Elnarə Nağdəliyeva, Gülnarə Əzizova, Mehriban Zalıyeva, Əliməmməd Novruzov, Ağaxan Şərifov, Pərviz Məmmədov, Fərid Rzayev ifa edirdilər. Musiqili Teatrın Mətbuat xidmətindən bildirilib ki, sonda Sumqayıtlı tamaşaçılar maraqla izlədikləri bu komediya haqqında xoş təəssüratlarını dilə gətiriblər və  aktyorlarla xatirə şəkilləri çəkdiriblər. “Zamanla səsləşən və professional aktyor heyətinin ifasında təqdim edilən bu tamaşa çox gözəl idi...  Çox böyük zövq aldıq. Hətta mən deyərdim ki, burada vurğulanan  incə və sətiraltı mənalar cəmiyyətə bir ismarıcdır, qadın hüquqlarının qorunmasına çağırışdır”, -deyə Sumqayıt şəhəri, 22 saylı məktəbin ədəbiyyat müəlliməsi Ceyran Əliyeva bildirib.   Tamaşadan sonra Azərbaycan Dövlət Musiqili Teatrının rejissoru Əsgər Əsgərova maraqlı, düşündürücü və heç zaman aktuallığını itirməyən bu dəyərli tamaşaya görə Beynəlxalq Teatr Festivalının diplomu təqdim olunub. ..
17.05.2018 15:57
Xaçmaz Regional Mədəniyyət İdarəsi tərəfindən regionda sənətkarların əl işlərinin sərgisinə start verildiXaçmaz Regional Mədəniyyət İdarəsi tərəfindən regionda dekorativ-tətbiqi sənət növləri ilə məşğul olan sənətkarların əl işlərinin sərgisinə start verilib. Ümummilli lider Heydər Əliyevin 95 və Azərbaycan Xalq Cümhuriyyətinin 100 illiyinə həsr edilmiş belə sərgilərin keçirilməsində əsas məqsəd bu sənət növlərinin yaşadılması, inkişaf etdirilməsi və gələcək nəsillərə ötürülməsidir. İlk sərgi 17 may 2018-ci il tarixində Xaçmaz Dövlət Rəsm Qalereyasında Metal üzərində bəddi döymə ustası Zeydulla Ağayevin əl işlərindən ibarət sərgi təşkil edilib. Tədbiri giriş sözü ilə açan Xaçmaz Regional Mədəniyyət İdarəsinin rəisi Nazim Ağayev regionda dekorativ-tətbiqi sənət növünün yaşadılması və inkişafı məqsədilə regional idarə tərəfindən xüsusi layihə hazırlandığını və gələcəkdə sənətkarların əl işlərinin satışı məqsədilə sərgi-satış mərkəzlərinin yaradılmasının nəzərdə tutulduğunu bildirdi. Həmçinin bu sənət növlərinin gələcək nəsillərə ötürülməsi məqsədilə dərnəklərin yaradılmasının vacibliyini xüsusi qeyd etdi. Daha sonra çıxış edən Xaçmaz Rayon İcra Hakimyyətinin Başçısının 1-cü müavini İlhamə Nəzərova belə sərgilərin keçirilməsinin sənətkarların fəaliyyətinə xüsusi təkan verəciyini açıqladı və Z.Ağayevə fəaliyyətində uğurlar arzuladı. Daha sonra Zeydulla Ağayevə Xaçmaz Regional Mədəniyyət İdarəsinin Fəxri fərmanı və hədiyyə təqdim edildi. Sonda sərgiyə baxış keçirildi. Belə sərgilərin növbəti günlərdə regiona daxil olan Quba, Qusar, Şabran və Siyəzən rayonlarında da təşkil edilməsi nəzərdə tutulmuşdur. ..
17.05.2018 15:56
“Xilas edilmiş mədəni sərvətlər” adlı növbəti sərgi-seminar18 may Beynəlxalq Muzeylər günü hər il muzeylər tərəfindən bir sıra tədbirlərlə qeyd olunur ki, bu ölkəmizdə muzey işinə və muzeylərə verilən əhəmiyyət, göstərilən  diqqət və qaygı ilə əlaqədardır. Öz növbəsində muzeylər də tariximizin, mədəniyyətimizin, elmimizin inkişafının şahidi və sübutu olan mədəni sərvətlərimizi gələcək nəsillərə ötürmək üçün qoruyur, onların aşınmasının  qarşısının alınması istiqamətində müxtəlif tədbirlər görürlər.  Belə ki, Mərkəz bu məqsədlə təkcə müxtəlif muzeylərin toplularına məxsus muzey əşyalarının bərpa və konservasiyasını həyata keçirmir, həm də mütəmadi olaraq regionlarda muzey, qalereya, Heydər Əliyev Mərkəzlərinin əməkdaşları üçün maarifləndirici kurslar, treninq və sərgi–seminarlar keçirir. Növbəti “Xilas olunmuş mədəni sərvətlər” adlı belə sərgi–seminar 14-16 may tarixlərində Agcabədi rayonunun tarix-diyarşünaslıq muzeyində Agcabədi, Laçın, Agdam rayonlarının muzey, qalereya və Heydər Əliyev Mərkəzlərinin əməkdaşları üçün keçirildi. Tədbir zamanı Mərkəzin  fəaliyyətini, muzey əşyalarının bərpa proseslərini əks etdirən video–çarxlar, təqdimatlar nümayiş etdirildi, Agcabədi tarix–diyarşünaslıq muzeyinin, Azərbaycan Xalça Muzeyinin Şuşa filialının toplularından bərpa olunmuş əşyaların fotosərgisi keçirildi. Sonda isə iştirakçıların sualları Mərkəzin əməkdaşları tərəfindən ətraflı cavablandırıldı. ..