Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
10.07.2020 11:39
Mədəniyyət Nazirliyi Xalq artisti Canəli Əkbərova başsağlığı veribAzərbaycanın Xalq artisti, ustad xanəndə, görkəmli pedaqoq, professor Canəli Əkbərova ağır itki üz vermişdir. Sənətkarın oğlu Asəf Əkbərov dünyasını dəyişmişdir. Mədəniyyət Nazirliyinin kollektivi bu ağır itki ilə bağlı Xalq artisti Canəli Əkbərova, sənətkarın ailəsinə və yaxınlarına dərin hüznlə başsağlığı verir, məhruma Allahdan rəhmət diləyir. Allah rəhmət eləsin. ..
09.07.2020 12:36
“Səma” rəqs ansamblı beynəlxalq virtual yarışmada uğur qazanıbBakı Şəhər Mədəniyyət Baş İdarəsi Xətai rayon Mədəniyyət Mərkəzinin “Səma” rəqs ansamblı Türkiyənin Dənizçilik bayramı münasibətilə onlayn keçirilən Boğaziçi beynəlxalq virtual rəqs, musiqi və incəsənət yarışmasında uğurla iştirak edib. İdarədən bildirilib ki, yarışmanın təşkilatçılarından biri də Boğaziçi Folklor Birliyinin gənclik və idman klubu idi. Təşkilatın rəhbəri Mehmet Refik Ertenin məlumatına əsasən, dünyanı bürüyən koronavirus (COVID-19) pandemiyası səbəbindən uşaqların evdə qalaraq asudə vaxtlarının təşkili və yaradıcılıqlarının inkişafına yönələn fəaliyyətlər sırasında dördüncü olan bu yarışma Dənizçilər bayramına həsr olunub. Yarışma “YouTube” kanalında yayımlanıb və könüllülük əsasında təşkil olunub. Yarışmada Azərbaycan, Şimali Kipr Türk Cümhuriyyəti, Özbəkistan, Qazaxıstan, Qırğızıstan, Bosniya-Herseqovina, Rusiya Federasiyasından Yakutiya, Dağıstan, Başqırdıstan, Çuvaşıstan və s. daxil olmaqla 13 ölkədən rəqqaslar qatılıb. Yarışmaya fiziki imkanı məhdud rəqqaslar da qoşulublar. Münsiflər heyətinin üzvləri isə 5 ölkədən olan tanınmış müəllimlər olub. Müsabiqə “rəqs”, “vokal”, “ailə qrupları” nominasiyaları və incəsənət yarışmasından ibarət idi. Azərbaycanı təmsil edən “Səma” rəqs ansamblının üzvlərindən Ləman Əhmədova 18 yaşlı yeniyetmələr arasında Qran-Pri diplomuna, Xədicə Seyidova 14 yaşlı uşaqlar arasında I yerə və diploma, Nigar İsrafilova 13 yaşlı uşaqlar arasında Qran-Pri diplomuna, Nurcahan Əbilova 12 yaşlı uşaqlar arasında I yerə və diploma, Aydan Məmmədli 11 yaşlı uşaqlar arasında I yerə və diploma, Nərmin Xələfova “Stilizə olunmuş rəqs” nominasiyasında I yerə və diploma layiq görülüb. “Səma” rəqs ansamblının rəhbəri Səma Sadıqova istedadlı uşaqları yetişdirdiyinə görə beynəlxalq yarışmanın “Təşəkkürnamə”si ilə təltif olunub. Rəqs qrupu uğurlu çıxışına görə Təşkilat Komitəsi tərəfindən 2020-2021-ci illərdə Türkiyədə keçiriləcək beynəlxalq festivallara dəvət edilib. ..
09.07.2020 10:55
Kukla Teatrı “Qızıl balıq” tamaşasını onlayn nümayiş etdirəcəkİyulun 12-də Abdulla Şaiq adına Azərbaycan Dövlət Kukla Teatrı A.S.Puşkinin “Balıqçı və balığın nağılı” əsərinin motivləri əsasında hazırladığı “Qızıl balıq” tamaşasını onlayn nümayiş etdirəcək. Tamaşanın quruluşçu rejissoru Anar Məmmədov, quruluşçu rəssamı İqbal Əliyev, bəstəkarı Vüqar Camalzadədir. Uşaqlara səmimiyyət, mehribanlıq və zəhmətsevərlik kimi üstün keyfiyyətləri təlqin edən tamaşada qəhrəmanların simasında var-dövlətə, şan-şöhrətə hərisliyin gətirdiyi uğursuzluq aydın detallarla təqdim olunur. Bununla da rejissor balacalara sahib olduqları ilə kifayətlənməyib, acgözlük edən qarının timsalında xudbinlik və azğınlığın acı sonluğunu göstərməyə çalışıb. Rejissorun əsərin ideyasından irəli gələrək qabartdığı məqamlardan biri də rahat həyatın, xoş münasibətin yoxsulluqda da mümkün olmasıdır ki, bunu da balıqçının humanist, mehriban, həssas obrazında nümayiş etdirir. Qeyd edək ki, tamaşa teatrın “YouTube” kanalından saat 12.00-da yayımlanacaq. ..
08.07.2020 14:38
“IFLA Metadata Newsletter” nəşrində Azərbaycan Milli Kitabxanası haqqında məqalə verilibBeynəlxalq Kitabxana Assosiasiyaları Federasiyasının (İFLA) biblioqrafiya bölməsinin “IFLA Metadata Newsletter” 2020-ci il iyun buraxılışında Azərbaycan Milli Kitabxanasının COVID-19 pandemiyası dövründə fəaliyyəti haqqında məqalə verilib. Məqalədə koronavirus pandemiyası dövründə, xüsusi karantin rejimində Azərbaycan Milli Kitabxanasında kitabxana-informasiya xidmətinin onlayn rejimdə təşkilindən, metodik fəaliyyətindən, MDB ölkələrinin və bir sıra dünya ölkələrinin Milli Kitabxanalarının iştirakı ilə keçirilən Beynəlxalq Kitabxana telekonfranslarında Azərbaycan Milli Kitabxanasının iştirakından və istifadəçilərin informasiya tələbatının ödənilməsi məqsədilə həyata keçirdiyi Elektron layihələrdən bəhs edilir. ..
08.07.2020 12:29
Əməkdar artist Emin Əliyevin rəhbərliyi ilə onlayn rəqs kursları davam edirAzərbaycan Dövlət Akademik Musiqili Teatrında balet truppasının quruluşçu baletmeysteri, Əməkdar artist Emin Əliyevin rəhbərliyi ilə onlayn rəqs kursları davam edir. Teatrın mətbuat xidmətindən bildirilib ki, Emin Əliyevin şəxsi təşəbbüsü və rəhbərliyi ilə yaradılan bu virtual rəqs qruplarında milli və dünya xalqlarının rəqsləri öyrənilir. Fərdi və qrup şəklində, əyani və distant formada təklif olunan onlayn kurslara qəbul davam edir. Qeyd edək ki, Emin Əliyev Bakı Xoreoqrafiya Akademiyasının məzunudur. 1996-cı ildən 2015-ci ilə qədər Azərbaycan Dövlət Rəqs Ansamblının solisti olub. 2004-cü ildə Xalq artisti Polad Bülbüloğlunun “Eşq və ölüm” baletində Nuri obrazı ilə daha çox tanınıb. O, bu obrazla Azərbaycanın müxtəlif mədəniyyət ocaqlarında və Rusiyanın Böyük Teatrında, Sankt- Peterburqun Marinski Teatrında çıxış edib. 2004-2006-cı illərdə Türkiyənin “Anadolu Atəşi” və 2017-ci ildə “Royal” rəqs ansambllarına dəvət alıb, bir müddət orada fəaliyyət göstərib, müxtəlif rəqs və balet tamaşalarına quruluş verib. Dünyanın 50-dən çox ölkəsində keçirilən beynəlxalq tədbirlərdə iştirak edib. Həmçinin o, maestro Niyazinin “Rast” simfonik muğamı və “Kitabi- Dədə Qorqud” dastanının motivləri əsasında “Dəryadan damla” balet-tamaşasına quruluş verib. Emin Əliyev Azərbaycan Dövlət Akademik Musiqili Teatrında balet truppasının quruluşçu baletmeysteri kimi bir çox uğurlu layihələrdə iştirak edib, yeni hazırlanan tamaşalardakı balet kompozisiyalarına quruluş verib. ..
08.07.2020 10:37
“ Mənim yay tətilim-2020” uşaq rəsm müsabiqəsi davam edirMədəniyyət və Təhsil nazirlikləri, “Azərbaycan Televiziya və Radio Verilişləri” Qapalı Səhmdar Cəmiyyəti, Xətai İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “Könüllülər ili” çərçivəsində rəssamlıq istedadı olan məktəblilərin yay istirahətlərinin səmərəli keçməsi və tətil ərzində diqqətini çəkən hadisələri öz düşüncələri ilə tabloda əks etdirmək bacarıqlarını inkişaf etdirmək məqsədilə elan edilən “Mənim yay tətilim-2020” Respublika Uşaq Rəsm Müsabiqəsi davam edir. Müsabiqəyə qeydiyyat bu il oktyabrın 15-dək aparılacaq. Qeydiyyat üçün www.xsm.az saytında tədbirlər bölümündəki “Mənim yay tətilim-2020” və ya http://xsm.az/site/menimyaytetilim2020/ linkinə daxil olub 1 və ya 2 əsərin fotosunu daxil etməklə göstərilən anketi doldurmaq tələb olunur. Seçim iki yaş kateqoriyası üzrə (12 yaşa qədər, 12-17 yaşarası) keçiriləcək. Ən çox uşaqların öz duyğu və düşüncələri ilə işlənmiş əsərləri seçiləcək. Seçim zamanı müəllifin yaşı nəzərə alınmaqla düzgün kompozisiya, rəng seçimi və ideya əsas götürüləcək. Birinci turdan keçmiş əsərlərin müəllifləri sərgidə nümayiş olunmaq üçün Xətai Sənət Mərkəzinə dəvət olunacaqlar. Müsabiqənin münsiflər heyətinin seçimi ilə razı olmayanlar (müəllim, valideyn və şagird) seçimlərin elan olunduğu vaxtdan sonra 3 iş günü ərzində xsm.2016@mail.ru adresinə müraciət edə bilərlər. Təşkilat komitəsi münsiflər heyətinin seçimi ilə razılaşmayan iddiaçılar üçün əvvəlcədən gün təyin edəcək, müəyyən zaman müddətində iddiaçı Xətai Sənət Mərkəzinə dəvət olunacaq və ona peşəkarların nəzarəti altında yeni rəsm çəkməklə öz bacarığını nümayiş etdirməyə imkan yaradılacaq. Sərgidə nümayiş üçün seçilən işlərin müəllifləri diplomla və fəal tədris mərkəzləri (dərnək, incəsənət məktəbi və s.) təşəkkürnamə ilə təltif olunacaqlar. ..
07.07.2020 18:11
Dövlət Rəsm Qalereyası “+5C” adlı yeni virtual layihəyə start verirAzərbaycan Dövlət Rəsm Qalereyası iyulun 8-də saat 18:00-da “+5C” adlı yeni virtual layihəyə start verəcək. Qalereyadan bildirilib ki, sənətsevərlər xüsusi karantin rejimi və sosial izolyasiya şəraitində ilk dəfə Azərbaycan incəsənətini əhatə edən onlayn bilik yarışmasında iştirak etməklə yanaşı, həm də 5 suala cavab verib, hədiyyə də qazana biləcəklər. Virtual layihəyə Azərbaycan Dövlət Rəsm Qalereyasının “Instagram” (@azgallery.az) sosial media hesabı vasitəsilə qoşulub, iştirak etmək mümkündür. Yarışda iştirak etmək istəyən şəxslər qeydiyyat üçün 077-717-33-37 “whatsapp” nömrəsi ilə əlaqə saxlaya bilərlər. ..
07.07.2020 14:14
Sankt-Peterburq Mədəniyyət Forumu mədəniyyətlərin və sivilizasiyaların qarşılıqlı əlaqələri mövzusuna həsr ediləcəkSankt-Peterburq Mədəniyyət Forumu mədəniyyətlərin və sivilizasiyaların qarşılıqlı əlaqələri mövzusuna həsr ediləcək. Forumun mətbuat xidmətindən bildiriblər ki, IX Sankt-Peterburq Mədəniyyət Forumu “Sivilizasiyaların mədəniyyəti – mədəniyyətlərin sivilizasiyasıdır” mövzusuna həsr olunacaq. Bu il Azərbaycan və Fransa forumun qonaqları qismində çıxış edəcəklər. Almaniya forumun xüsusi qonağı statusunda olacaq. Noyabrın 12-14-ü tarixlərində keçiriləcək Forumun mətbuat xidmətindən qeyd ediblər ki, sosial qarşılıqlı əlaqələrin adi modellərini ciddi sınaqlara məruz qoymuş pandemiya şəraitində mədəniyyət insanlara mürəkkəb vəziyyətdə gələcəyə əminlik, ümid və dəstək verən təmələ çevrilib. Forumun işində mədəniyyət xadimlərinin, akademik dairələrin və biznes təmsilçilərinin, mədəni siyasət liderlərinin iştirakı gözlənilir. Tədbirin təşkilatçıları qismində Rusiya hökuməti, Sankt-Peterburq Mədəniyyət Komitəsi və hökuməti çıxış edirlər. AZƏRTAC ..
07.07.2020 11:58
Beynəlxalq mədəni əlaqələrin qurulmasında muzeylərin roluGürcüstanın paytaxtı Tbilisi şəhərində yerləşən Mirzə Fətəli Axundzadə adına Azərbaycan Mədəniyyəti Muzeyinin fəaliyyəti timsalında sözügedən mövzu ətrafında geniş müzakirə təşkil olunub. Belə ki, Mədəniyyət üzrə Elmi-Metodiki və İxtisasartırma Mərkəzi Azərbaycanın mədəni irsinin, mədəniyyət incilərinin ölkə daxilində və ölkədən xaricdə qorunması, təbliği məsələlərini özündə təcəssüm edən mövzuları daima araşdırır. Bu məqsədlə mərkəz tərəfindən “Mədəni identiklik” mövzusunda beynəlxalq videokonfrans təşkil olunub. Konfrans çərçivəsində Gürcüstan Respublikasının Tbilisi şəhərində fəaliyyət göstərən Mirzə Fətəli Axundzadə adına Azərbaycan Mədəniyyəti Muzeyinin direktoru, Azərbaycanın Əməkdar mədəniyyət işçisi Leyla Əliyevanın geniş nitqi dinlənilib. Konfransda həmçinin Azərbaycan Musiqi Mədəniyyəti Dövlət Muzeyinin direktoru Alla Bayramova, N.Nərimanovun xatirə muzeyinin direktoru Rəna Darivalova, Biləsuvar Dövlət Rəsm qalereyasının direktoru Rövşən Cənnətov və digərləri çıxış ediblər. Mərkəz tərəfdən konfransda elmi katib Cavid Əliyev, sektor müdiri Pakizə Almazova və digərləri mövzu ilə bağlı danışıblar. Qeyd etmək lazımdır ki, mərkəz P.Almazovanın timsalında M.F.Axundzadə adına Azərbaycan Mədəniyyəti Muzeyinin və onun filialı olan N.Nərimanovun xatirə muzeyinin mövzu-ekspozisiya planının hazırlanması və bədii tərtibatında iştirak etmişdir. 60-dan çox mədəniyyət işçilərinin iştirakı ilə keçirilmiş konfransda çıxış edənlər Azərbaycan-Gürcüstan mədəni, dostluq əlaqələrinə, Azərbaycan mədəniyyətinin, ədəbiyyatının, mədəni irsinin qorunmasına, M.F.Axundzadə, N.Nərimanov, C.Məmmədquluzadə, A.Şaiq və digər şəxsiyyətlərin irsinin ölkədən xaricdə təbliğ edilməsinə, muzey işinin inkişaf dinamikasına toxunublar. Mərkəzin direktoru, siyasi elmlər üzrə fəlsəfə doktoru Asif Usubəliyev konfransı yekunlaşdıraraq, muzeylərin fəaliyyətində yeni yanaşmalar, müasir forma və inkişaf yolları, onların populyarlığı, əməkdaşların peşəkarlığı, muzeylərin tarixi, fəlsəfəsi və digər maraq doğuran mövzulardan bəhs edib. Sahə üzrə kadrların hazırlanmasında maarifləndirmənin əhəmiyyətindən danışan direktor muzeylərin rəqəmsallaşmasının vacibliyini vurğulayıb. Muzeylərin fəaliyyətində müasir dövrün tələblərini diqqətdə saxlamağın və ona uyğunlaşmanın zəruri olduğunu qeyd edib, gənc kadrların cəlb edilməsinin vacibliyini tədbir iştirakçılarının diqqətinə çatdırıb. Tədbirin sonunda Azərbaycan-Gürcüstan mədəni əlaqələrinin şaxələnməsinə xidmət edə biləcək birgə perspektiv layihələr ətrafında fikir mübadiləsi aparılıb. ..