Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
750

Ümumrusiya Dövlət Xarici Ədəbiyyat Kitabxanasının mütəxəssisləri Milli Kitabxanada olublar

Yanvarın 23-də Bakıda səfərdə olan M.İ.Rudomino adına Ümumrusiya Dövlət Xarici Ədəbiyyat Kitabxanasının mütəxəssisləri - Heydər Əliyev Fondunun Rusiyadakı Nümayəndəliyinin Humanitar işlər şöbəsinin müdiri Tamilla Əhmədova, M.İ.Rudomino adına Ümumrusiya Dövlət Xarici Ədəbiyyat Kitabxanasının Beynəlxalq fəaliyyət üzrə direktoru Svetlana Qoroxova və həmin kitabxananın elmi və tədris işləri üzrə direktoru Tatyana Polejayeva, MDB və Şərqi Avropa ölkələri üçün Qoruma və Mühafizə Mərkəzinin koordinatoru Mariya Kolpakova, “İPR MEDİA”nın baş direktoru Natalya İvanova və “İPR MEDİA”nın layihə koordinatoru Vita Kutuyeva Milli Kitabxanada görüş keçiriblər.

Kitabxanadan bildirilib ki, görüş Azərbaycan Respublikası Mədəniyyət Nazirliyi, Moskva Hökuməti və Rusiyanın TASS İnformasiya Agentliyinin dəstəyi ilə Bakıda keçirilən “Bakı-Moskva: mədəniyyətlərin dialoqu” adlı konfrans çərçivəsində baş tutub.

M.İ.Rudomino adına Ümumrusiya Dövlət Xarici Ədəbiyyat Kitabxanasının mütəxəssislərini qəbul edən Milli Kitabxananın direktoru Kərim Tahirov görüş zamanı kitabxana proseslərinin modernləşdirilməsi və qlobal informasiya məkanına inteqrasiyası, kitabxanalarda müasir informasiya texnologiyalarının tətbiqi, həmçinin Milli Kitabxanada kitabxana proseslərinin avtomatlaşdırılması, elektron kitabxana, elektron kataloq, virtual biblioqrafik xidmət imkanlarından danışıb.

Milli Kitabxananın nəzdində fəaliyyət göstərən “Açıq kitabxana”da olan qonaqlar, həftənin 7 günü və günün 24 saatı fasiləsiz işləyən bu məkanın qabaqcıl təcrübəsi ilə yaxından tanış olmaqla yanaşı, burada istifadəçilərə göstərilən elektron və onlayn xidmətlər, açıq səma altında təşkil edilən tədbirlər haqqında məlumat əldə ediblər.

Daha sonra qonaqlar Milli Kitabxananın “Nadir kitablar və kitabxana muzeyi”, “Kolleksiyaların və informasiya resurslarının mühafizəsi”, “Not nəşrləri və səsyazmaları”, “Mədəniyyət tədbirlərinin təşkili” şöbələrində, oxu zallarında, “Beynəlxalq əməkdaşlıq zalı” ilə tanış olublar. Onlar kitabxananın sosial-mədəni fəaliyyətləri, istifadəçilərə informasiya xidmətlərinin müasir metodları, elektron kitabxana sistemi, elektron kataloqu, eləcə də virtual xidmətləri ilə yaxından maraqlanıblar.

Sonra Kərim Tahirov tərəfindən Milli Kitabxana haqqında 3 dildə yazılmış (Azərbaycan, ingilis və rus dillərində) “Azərbaycan Milli Kitabxanası. Fotoalbom”, “Azərbaycan xalçaları dünya kolleksiyalarında” adlı kitablar və Azərbaycanın tarixi və mədəniyyət abidələrini əks etdirən xəritə qonaqlara təqdim edilib.

XƏBƏRLƏR

28.10.2020 19:48
“Azərbaycanın tarixi və mədəni irsinə qarşı Ermənistanın törətdiyi cinayətlər” mövzusunda brifinq keçirilib
28.10.2020 17:17
Əməkdar rəssam Faiq Abdullayev vəfat edib
27.10.2020 18:33
Əməkdar artist Etibar Qasımbəyli vəfat edib
27.10.2020 16:27
Mədəniyyət Nazirliyi sistemində kadr təyinatları
26.10.2020 17:14
Mədəniyyət Nazirliyi tərəfindən Ermənistanın təxribatları ilə bağlı xarici ölkələrə müraciət ünvanlanıb
26.10.2020 14:58
Qarabağ gerçəklərinə həsr olunan “Məzar daşı” romanı Türkiyədə işıq üzü görüb
23.10.2020 15:58
Azərbaycan Respublikası Mədəniyyət Nazirliyinin Zəngilandakı məscidin ermənilər tərəfindən təhqir olunması ilə bağlı BƏYANATI
20.10.2020 16:37
Mədəniyyət Nazirliyinin Xudafərin körpüləri ilə bağlı Bəyanatı
15.10.2020 18:02
Anar Kərimov Ermənistanın Gəncə şəhərinə raket hücumu ilə bağlı UNESCO baş direktoruna müraciət edib
14.10.2020 09:30
Şuşa qalasına həsr olunmuş virtual sərgi açılıb
12.10.2020 09:15
Mədəniyyət obyektlərinin oğurlanması və ya qeyri-qanuni ixracı ilə bağlı beynəlxalq onlayn konfrans keçirilib
09.10.2020 18:14
Mədəniyyət Nazirliyi “Qarabağnamə” layihəsini təqdim edir
09.10.2020 10:27
Mədəniyyət Nazirliyində Özbəkistan səfiri ilə görüş keçirilib