Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
373

“Bakı-Moskva: mədəniyyətlərin dialoqu” konfransının iştirakçıları Prezident Kitabxanasında olublar

Heydər Əliyev Fondunun Rusiya Federasiyasındakı nümayəndəliyinin təşəbbüsü ilə Bakıya səfər edən M.İ.Rudomino adına Ümumrusiya Dövlət Xarici Ədəbiyyat Kitabxanasının mütəxəssisləri - Beynəlxalq fəaliyyət üzrə direktor Svetlana Qoroxova, Elmi və tədris işləri üzrə direktor Tatyana Polejayeva, MDB və Şərqi Avropa ölkələri üçün Qoruma və Mühafizə Mərkəzinin koordinatoru Mariya Kolpakova, İPR MEDİA-nın baş direktoru Natalya İvanova və layihə koordinatoru Vita Kutuyeva yanvarın 24-də Prezident Kitabxanasında olublar.

Görüş Azərbaycan Respublikası Mədəniyyət Nazirliyi, Moskva hökuməti və Rusiyanın TASS informasiya agentliyinin dəstəyi ilə Bakıda keçirilən “Bakı-Moskva: mədəniyyətlərin dialoqu” konfransı çərçivəsində baş tutub.

Kitabxananın “İncəsənət ədəbiyyatı fondu” və “Nadir ədəbiyyat fondu” ilə tanışlıq zamanı qonaqlara istifadəçilərə informasiya xidməti və virtual xidmət metodları ilə bağlı ətraflı məlumat verilib.

Müəssisənin tarixi keçmişi haqqında danışan Prezident Kitabxanasının direktoru Mayıl Əhmədov bildirib: “Prezident Kitabxanası 2003-cü ildən əvvəl Mərkəzi Şəhər Kitabxanası kimi fəaliyyət göstərib. Onun təqribən 150 yaşı var”.

Qonaqlara Prezident Kitabxanasının fəaliyyət istiqamətləri, oxucu kontingenti, digər kitabxanalarla əlaqələri, müasir informasiya texnologiyalarının tətbiqi, kitabxana proseslərinin avtomatlaşdırılması, elektron kitabxana, elektron kataloq və virtual xidmət imkanları haqqında ətraflı məlumat verilib.

M.İ.Rudomino adına Ümumrusiya Dövlət Xarici Ədəbiyyat Kitabxanasının Beynəlxalq fəaliyyət üzrə direktoru Svetlana Qoroxova, həmin kitabxananın Elmi və tədris işləri üzrə direktoru Tatyana Polejayeva, İPR MEDİA-nın baş direktoru Natalya İvanova çıxışlarında təmsil etdikləri müəssisələr haqqında ətraflı məlumat verib, qarşılıqlı əməkdaşlığın qurulması və təcrübə mübadiləsinin zəruriliyindən söhbət açıblar.

Qonaqları müşayiət edən Milli Kitabxananın direktoru, professor Kərim Tahirov Azərbaycan və Rusiya kitabxanaları arasında əlaqələrin genişləndirilməsinin hər iki ölkənin ümumi mənafelərinə xidmət etdiyini vurğulayıb, Heydər Əliyev Fondunun Rusiyadakı nümayəndəliyinin bu istiqamətdə fəaliyyətini yüksək qiymətləndirib.

Daha sonra Mayıl Əhmədov qonaqlara “Azərbaycan xalçaları” albom-kitabları və Azərbaycanın UNESKO-nun Qeyri-Maddi Mədəni İrs Siyahısına salınan nümunəsi olan kəlağayılar hədiyyə edib.

Öz növbələrində qonaqlar tərəfindən Prezident Kitabxanasına təmsil etdikləri müəssisələrin nəşrlərinin spesifik nümunələri hədiyyə olunub.

XƏBƏRLƏR

25.09.2020 14:54
Respublika Gənclər Kitabxanası Beynəlxalq İnternet Forumda iştirak edib
25.09.2020 14:23
“Avropa İrs Günləri” layihəsi çərçivəsində bir sıra tədbirlər keçiriləcək
24.09.2020 17:40
“Muzey eksponatının hekayəsini sən danış” müsabiqəsinin qaliblərinə mükafatlar təqdim olundu
24.09.2020 17:31
“Mədəniyyət siyasəti və təmayülləri Kompendiumu Assosiasiyası”nın milli ekspertlərinin onlayn görüşü keçirilmişdir
24.09.2020 17:02
“Tarixin yaddaşı unudulmur: Faşizm üzərində qələbənin 75 illiyinə həsr olunur” adlı növbəti regional onlayn seminar keçirilib
24.09.2020 10:07
“Digitalart-lab” layihəsi davam edir
24.09.2020 08:21
Prezident İlham Əliyev və birinci xanım Mehriban Əliyeva Balaxanı qəsəbəsində aparılan abadlıq işləri ilə tanış olublar
23.09.2020 16:22
Anar Kərimov Portuqaliyanın səfiri ilə görüşdü
23.09.2020 10:25
“Tarixi yazmış bir tale” adlı respublika müsabiqəsi başa çatıb
22.09.2020 16:24
Birinci vitse-prezident Mehriban Əliyeva Bülbülə qəsəbəsindəki Uşaq İncəsənət Məktəbinin yeni binasının açılışında iştirak edib
22.09.2020 14:05
Əhmədiyyə Cəbrayılovun 100 illiyinə həsr olunmuş virtual sərgi keçiriləcək
22.09.2020 12:02
“Qarabağlı Pir Məhəmmədin “Mənaqibnamə”sinin nəşri” layihəsi həyata keçirilir
22.09.2020 10:09
“Mədəniyyət/Culture” jurnalının növbəti nömrəsi işıq üzü görüb
21.09.2020 15:48
Azərbaycan və Özbəkistan arasında keçirilən xalq simli musiqi alətləri ifaçılarının müsabiqəsi başa çatıb
21.09.2020 15:13
“Mənim yay tətilim-2020” Respublika Uşaq Rəsm Müsabiqəsi davam edir
21.09.2020 15:04
“Əbdürrəhim bəy Haqverdiyev 150” adlı elektron baza istifadəçilərə təqdim edilib
21.09.2020 14:24
Anar Kərimov Mədəniyyət Nazirliyi yanında İctimai Şuranın seçki komissiyasının yaradılması haqqında əmr imzalayıb
21.09.2020 10:30
Astarada tanınmış bəstəkar Oqtay Kazıminin xatirə lövhəsinin açılışı olub
21.09.2020 09:51
Seyid Əzim Şirvaninin “Qəzəllər” kitabı Özbəkistanda nəşr edilib
19.09.2020 17:43
“İrsimiz məsuliyyətimizdir” adlı layihənin ilk tədbiri keçirilib
18.09.2020 18:16
“İrsimiz Məsuliyyətimizdir” layihəsinə start verilir
18.09.2020 17:20
Kövkəb Səfərəliyeva adına 16 nömrəli Uşaq Musiqi Məktəbinin əsaslı təmirdən sonra açılışı keçirilib