Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
440

Daşkənddə “Mən əbədiyyət üfüqlərində doğan eşq günəşiyəm” adlı tədbir keçirilib

Azərbaycanda 2019-cu ilin “Nəsimi ili” elan olunması ilə əlaqədar Özbəkistandakı Heydər Əliyev adına Azərbaycan Mədəniyyət Mərkəzi (AMM) bu ölkədə dahi şairin yaradıcılığına həsr olunmuş silsilə tədbirlər keçirir.

“Nəsimi ili” çərçivəsində Özbəkistan Milli Elmlər Akademiyasının (ÖMEA) Nəvai adına Ədəbiyyat, Dil və Folklor İnstitutunda İmadəddin Nəsiminin 650 illik yubileyi ilə bağlı “Mən əbədiyyət üfüqlərində doğan eşq günəşiyəm” adlı beynəlxalq elmi konfrans keçirilib.

AMM və ÖMEA-nın birgə layihəsi ilə reallaşan beynəlxalq elmi konfransda Özbəkistan və Azərbaycanın tanınmış elm, ədəbiyyat və incəsənət xadimləri, nəsimişünas alimlər, tərcüməçilər, şair və yazıçılar iştirak edib.

Konfransı giriş sözü ilə institutun direktoru, professor Nizaməddin Maxmudov, ÖMEA-nın vitse-prezidenti, professor Baxrom Abduxalımov və AMM-nin direktoru, səfirliyimizin birinci katibi Samir Abbasov açıblar.

Nizaməddin Maxmudov Nəsiminin həyatı və yaradıcılığı, ayrı-ayrı şeirləri haqqında söhbət açıb, böyük şairin Özbəkistanda da çox sevildiyini diqqətə çatdırıb. Alim deyib ki, Azərbaycan Nazirlər Kabinetinin 7 may 2019-cu il tarixli qərarı ilə İmadəddin Nəsimi Azərbaycan Respublikasında əsərləri dövlət varidatı elan edilən müəlliflərin siyahısına daxil olunub.

Baxrom Abduxalımov bildirib ki, Nəsimi ancaq Azərbaycan xalqının yox, həm də bütün türk dünyasının, Şərqin şairidir. Şair bəşəri ideyalar təbliğ edib, insanları öz ideyası ətrafında birləşməyə çağırıb. B.Abdullayev vurğulayıb ki, təhsilini Azərbaycanın Şamaxı şəhərində alan böyük şair dövrün elmlərini, dinlərin tarixini, məntiq, riyaziyyat və astronomiyanı öyrənib.

Samir Abbasov bu münasibətlə Özbəkistanda keçirilən tədbirlər, Mədəniyyət Mərkəzinin həyata keçirdiyi çoxsaylı layihələr barədə məlumat verib.

Nəsiminin yaradıcılığının dilçilik, eləcə də Azərbaycan türkcəsinin tarixini öyrənmək baxımından böyük əhəmiyyətə malik olduğunu qeyd edən diplomat Azərbaycan ədəbiyyatında eşq şairi kimi tanınan Nəsiminin şeirlərinin fəlsəfi baxımdan dünya poeziyasının inciləri sırasına daxil olduğunu bildirib.

Samir Abbasov “Nəsimi ili” ilə əlaqədar şairin qəzəllərinin özbək dilinə tərcümə olunduğunu və Daşkənddə nəşr edildiyini, şairin Özbəkistanda saxlanılan əlyazmalarının tapıldığını söyləyib.

Sonda o, dahi Nizami Gəncəvinin özbək dilinə tərcümə olunmuş və yeni çapdan çıxan “Xəmsə”sinin xüsusi nəşrini iştirakçılara təqdim edib. S.Abbasov toplunu Əlişir Nəvai adına Özbəkistan Milli Kitabxanasına, Özbəkistan Milli Elmlər Akademiyasının Biruni adına Şərqşünaslıq İnstitutuna və Nəvai adına Ədəbiyyat, Dil və Folklor İnstitutuna bağışlayıb. O, Nizami Gəncəvinin “Xəmsə”sini tarixdə ilk dəfə olaraq bütövlükdə özbək dilinə tərcümə edən Özbəkistanın Xalq şairi Camal Kamala üzərində dahi Nizaminin rəsmi olan xalça hədiyyə edib.

Azərbaycan Milli Elmlər Akademiyası (AMEA) Ziya Bünyadov adına Şərqşünaslıq İnstitutunun elmi işçisi, filologiya üzrə fəlsəfə doktoru Səadət Şıxıyevanın “Nəsimi və XV əsr özbək ədəbiyyatı” mövzusundakı məruzəsi maraqla qarşılanıb.

Alim bildirib ki, Nəsimi istər dini, istər fəlsəfi, istərsə də irfani hürufi, təfsirçi şəxsiyyətini şeirlə ifadə edib. Nəsimi elə bu özəlliyi ilə diqqəti çəkib. S.Şıxıyeva bir sıra ölkələrdə Nəsiminin təsiri ilə şeirlər yazan şairlərdən də danışıb.

Alim deyib: “Şairin sözü və düşüncəsinin təsir etdiyi coğrafiyada Özbəkistan bədii söz ustalarının xüsusi yeri var. Bu təsir dairəsi Lütfi, Hafiz Xarəzmidən başlayır və XX əsrə qədər davam edir”.

Tədbirdə akademik Tura Mirzəyev, Azərbaycan Respublikası Mədəniyyət Nazirliyinin İsmayıllı Regional Mədəniyyət İdarəsinin rəisi Elnur Hüseynov, Xalq şairi Camal Kamal, filologiya elmləri doktoru İbroxim Xakkulov, AMEA Füzuli adına Əlyazmalar İnstitutunun bölmə müdiri, filologiya elmləri namizədi Kərimulla Məmmədzadə, Azərbaycan Yazıçılar Birliyinin üzvü, gənc şair Fərid Hüseyn, Özbəkistan Yazıçılar İttifaqı sədrinin müavini Qayrat Məcid, filologiya elmləri namizədi Erqaş Oçilov, Buxara Dövlət Universitetinin dosentləri Xusniddin Eşonkulov, Zilola Amonova, tədqiqatçı-jurnalist Rüstəm Cabbarov və başqaları məruzələrində Nəsiminin mənəvi azadlığa, bəşəri dəyərlərə, əmin-amanlığa çağıran ölməz poeziyası haqqında söhbət açıblar.

XƏBƏRLƏR

18.01.2020 21:27
“Şəhərin qış gecələri” tamaşasının premyerası olub
18.01.2020 18:00
İstiqlal Muzeyində 20 Yanvar faciəsinə həsr olunan “Xatırlayın! Yaşadın! Unutmayın!” adlı sərgi açılıb
18.01.2020 17:34
Qobustan qoruğunda 20 Yanvar faciəsinə həsr olunmuş tədbir keçirilib
17.01.2020 18:05
Xaçmaz regionu üzrə mədəniyyət müəssisələrində 20 Yanvar faciəsi ilə əlaqədar silsilə tədbirlər keçirilib
17.01.2020 17:57
Ağdaşda “Tarixin qan yaddaşı” adlı tədbir keçirilib
17.01.2020 17:40
Musiqi Mədəniyyəti Dövlət Muzeyində 20 Yanvar faciəsinə həsr edilən tədbir keçirilib
17.01.2020 17:24
20 Yanvar faciəsinin 30-cu ildönümünə həsr olunmuş “Vətənpərvərlik Kinosu Günləri” başa çatıb
17.01.2020 17:18
Biləsuvarda 20 Yanvar faciəsi ilə əlaqədar anım tədbirləri keçirilir
17.01.2020 17:10
Sumqayıtın mədəniyyət müəssisələrində 20 Yanvar faciəsinin otuzuncu ildönümü münasibətilə silsilə tədbirlər keçirilib
17.01.2020 17:00
Azərbaycan Respublikasının Mədəniyyət naziri və nazir müavinləri bölgələrdə vətəndaşları qəbul edəcək
17.01.2020 16:59
Milli İncəsənət Muzeyində “Qan yaddaşımız” adlı sərgi açılıb
17.01.2020 16:51
Qaradağ rayon Heydər Əliyev Mərkəzində “Yuxu” sənədli filmi nümayiş olunub
17.01.2020 15:13
Milli Kitabxanada 20 Yanvar faciəsinə həsr olunmuş nəşrlərin təqdimatı keçirildi
17.01.2020 14:40
“Vətənpərvərlik Kinosu Günləri” çərçivəsində Milli qəhrəmanlarımızın şərəfli ömür yolu vərəqlənir
17.01.2020 11:47
Sabirabadda 20 Yanvar şəhidlərinin xatirəsi anılıb
17.01.2020 11:29
Azər Paşa Nemətov Gürcüstanın Milli Teatr Günündə ölkəmizi təmsil edib
17.01.2020 10:45
20 Yanvar Azərbaycan xalqının azadlıq mübarizəsinin və qəhrəmanlıq salnaməsinin parlaq səhifəsidir
17.01.2020 09:15
UNESKO-da multikulturalizmin Azərbaycan modelindən danışılıb
16.01.2020 17:23
Türkiyədə İmadəddin Nəsiminin 650, Həsən Seyidbəylinin 100 illiyi münasibətilə təntənəli tədbir təşkil edilib
16.01.2020 14:44
Uşaq Kitabxanası tərəfindən 20 Yanvar faciəsinin otuzuncu ildönümü ilə əlaqədar tədbirlər keçirilib
16.01.2020 14:13
“Vətənpərvərlik Kinosu Günləri” çərçivəsində həyata keçirilən tədbirlər davam edir
16.01.2020 10:23
Azərbaycan xalqı əsrlərboyu xeyirxahlıq, fədakarlıq, könüllü və təmənnasız kömək ənənələrini yaşadıb
16.01.2020 09:40
Vyanada Çingiz Babayevin xalçalardan ibarət sərgisi açılıb
16.01.2020 09:38
Azərbaycan Musiqi Mədəniyyəti Dövlət Muzeyində klassik vokalçıların ümumrespublika festivalının iştirakçıları ilə görüş olub
16.01.2020 09:29
Moskvada Riyad Məmmədovun “Min bir gecə”dən dörd nağıl” silsiləsindən ikinci konsertinin premyerası olacaq